Sykje

Dizze ôflevering fan Linkk Ekstra, in programma fan skoaltelefyzje, is diel ien fan in searje oer wurk. Jildou de Vries ûndersiket hoe't it wurk ferdield is yn de provinsje. Yn Ljouwert wurkje in hiel soad minsken op in lytse romte, wylst de lânbou in soad grûn ynnimt, mar yn dy sektor wurkje wol minder minsken. Se leit út dat der trije ferskillende sektoaren binne: lânbou, yndustry en tsjinstferliening. Se praat mei Skelte Brouwers fan de provinsje.

Dizze ôflevering fan Linkk Ekstra, in programma fan skoaltelefyzje, is diel twa fan in searje oer wenjen. Jildou Hoitsma fertelt oer de struktuer fan in wenplak. Se lit de ferskillen sjen tusken de havenstêd Harns, dat in âlde stêd is, en it turfdoarp Nij Beets, dat in jonger plak is. Se praat mei Hugo ter Avest fan Museum Het Hannemahuis yn Harns en mei Fokke Veenstra fan museum It Damshûs yn Nij Beets. Fierder lit arsjitektuerkenner Peter Karstkarel sjen datst oan de bûtenkant fan de huzen sjen kinst yn watfoar perioade oft it hûs boud is.

Dizze ôflevering fan Linkk Ekstra, in programma fan skoaltelefyzje, is diel trije fan in searje oer wurk. Hoe komst oan in baan en watfoar oplieding hast dêr foar nedich? Jildou de Vries praat deroer en se sjocht ek by it wurk oan de âlde pleats yn Aldlemmer dêr't in tal VMBO-learlingen de boel opknappe om der in wen- en soarchkompleks foar handikapte minsken fan te meitsjen. Ek sjogge we wer by Biddle, in bedriuw yn klimaatapparatuer yn Koatstertille, dêr't wurknimmers oer it wurk fertelle dat se dogge en dat se soms ek op 'e nij nei skoalle moasten om by te learen.

Yn dizze Linkk Ekstra, in programma fan skoaltelefyzje, diel twa fan de searje oer de Midsiuwen. Jildou de Vries dûkt yn de skiednis fan Fryslân, oer de tiid tusken 500 en 1500. Se fertelt dizze kear oer it ûntstean fan de stêden en de huzebou. Yn it Archeon yn Alphen aan den Rijn is te sjen hoe't minsken doe wennen. De pest brekt út en makket tûzenen slachtoffers. Ek fertelt Jildou oer godstsjinsten.

Dizze ôflevering fan Linkk Ekstra, in programma fan skoaltelefyzje, giet oer oerfloed. Yn diel 3 stiet wer in oar aspekt fan duorsumens sintraal. We sjogge by de foarstelling Oerfloed fan BUOG, makkers Pieter Stellingwerf en Kees Botman lizze út dat se learlingen bewust meitsje wolle fan duorsumens. Keunstner Anneke Soldaat makket objekten fan ôffal en lit learlingen taskes meitsje. Jildou de Vries leit it belang fan ôffalskieding en recycling út. By Lankhorst yn Snits meitsje se pealtsjes fan lânbouplestik. En by de Fairtradewinkel wurde inkeld 'earlike' produkten ferkocht.