Sykje

Yn it jongereinprogramma No Wy lit programmamakker Freddy Veenstra de jongerein oan it wurd. Yn dizze ôflevering folgje we Gemma Jissink dy't foar de skoalkrante in reportaazje meitsje sil oer Ayser Al-Hadity. Hy komt út Irak en wennet mei syn famylje hast twa jier yn it asylsikerssintrum yn Snits. Se wachtsje op in ferbliuwsfergunning. De famylje is flechte om't se it net iens wienen mei it regear fan Saddam Hoessein. Ayser is hiel muzikaal en spilet yn twa bands. Gemma freget him nei syn libben earder en no.

Yn it jongereinprogramma No Wy lit programmamakker Freddy Veenstra de jongerein oan it wurd. Yn dizze ôflevering is de film te sjen dy't Si-Ra Meeuwsse makke fan har âld-klasgenoaten fan it VWO yn Snits. Se folget trije fan har no't se earstejiersstudint binne en op keamers wenje. It binne Maaike Trousset dy't op de ALO yn Grins sit, Hiske van den Bergh dy't studint sosjale wittenskippen yn Utrecht is en Tijmen Hommes, hy studearret medyske biology yn Amsterdam. Si-Ra filmet se op de studintekeamer, by de kolleezjes en ûnderweis yn de trein.

Yn it jongereinprogramma No Wy lit programmamakker Freddy Veenstra de jongerein oan it wurd. Yn dizze ôflevering is de film Seedyk te sjen. Studinten fan de teateroplieding yn Zwolle ha de film makke. It is in realitysoap oer trije minsken. Grytsje, Priscilla en René ferhúzje fan de Amsterdamske Zeedijk nei Fryslân, nei in lyts húske oan de seedyk. Dêr belibje se allerhanne aventoeren. De Fryske Grytsje hat it bot nei har sin yn har heitelân, mar de oare twa der mear muoite mei.

Yn it jongereinprogramma No Wy lit programmamakker Freddy Veenstra de jongerein oan it wurd. Yn dizze ôflevering giet in groep fan fyftich learlingen fan it Lauwers College út Bûtenpost op survival mei de bus nei de Ardennen yn België. Yn de film ha trije learlingen problemen, ien knipt hier fan oaren ôf, in oar is drugsferslave en noch in oar moat har hieltyd ferklaaie. Mar de ôflevering lit foaral sjen wat de learlingen allegear meimeitsje, mountainbike, kayakke en abseile, mar ek ouwehoere yn de sliepkeamers en de bonte jûn, donderjeie mei de oare sekse en tefolle drank.

Yn it jongereinprogramma No Wy lit programmamakker Freddy Veenstra de jongerein oan it wurd. Yn dizze ôflevering binne dat learlingen fan Lyndensteyn yn Beetstersweach. Se filmje har libben op skoalle en dêrbûten. Fanwegen in lichaamlike beheining sitte se op dizze skoalle dêr't se deselde fakken krije lykas op oare skoallen. We sjogge hoe't Doede Visbeek it doarp yngiet om ynkeapen te dwaan foar it jûnsiten. Margriet Wolters hâldt fan sjongen en treedt op mei de skoalband.