Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

Tûkelteammen 0206

Tûkelteammen 0206

04 Novimber 2003

Sporters dizze kear yn de teams fan Tûkelteammen. Yn team 1 judoka Nynke Klopstra en Dick Eisma fan Aldehaske en yn team 2 duersportster Mariska Kramer en Hyltsje Smedes fan Sumar.
LTV_150JIER_PC_1_150603_WR

150 jier PC: diel 1 'In klassike folkssport'

15 Juny 2003

De PC op de fiifde woansdei fan july op it Sjûkelân yn Frjentsjer is al jierren de belangrykste keatswedstriid fan it jier. Yn dit diel sjogge we nei it ûntstean en wat de PC no sa bysûnder makket. Foarsitter Jan van der Meij komt oan it wurd, krekt as keatshistoarikus Pieter Breuker. Der binne is soad wedstriidbylden te sjen en ek argyfmateriaal. De PC (Permanente Commmissie) is yn 1853 oprjochte nei't der amper mear belangstelling wie foar de Balverkaatsdag. De PC moast in fatsoenlik feest wurde, fûn betinker Jan Bogtstra dy't mar leafst 40 jier PC-lid wie.
LTV_BLAUGERS_OF_INGELSK_RAAI

Blaugers of Ingelsk Raai

17 Oktober 1993

Yn dit programma komme twa tsjinstelde belangen oan de oarder: de boer tsjin de biolooch, oftewol de lânbou tsjin de natuer. Oanlieding is it plan de blauwe sône by de Alde Feanen, om fan lânbougrûn natuer te meitsjen. We hearre boer Klaas de Groot en Ultsje Hosper fan It Fryske Gea. Dy feriening hat besocht de bou fan 300 bungalows op rekreaasjepark It Wiid by Earnewâld tsjin te hâlden.