Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

Boppedat: Sinteklaas-kostúmferhier

Boppedat: Sinteklaas-kostúmferhier

02 Desimber 1997

Gerard Eringa hat it alle jierren tige drok yn desimber. Eringa is eigner fan in atelier dêr't se de sinteklazen en piten klear meitsje foar fiif desimber. Ferslachjouwer Miranda Werkman rint in dei mei him mei.
LTV_REBOELJE_090599_WR

Reboelje, freonen yn de muzyk

09 Maaie 1999

Reboelje is in Frysktalige popgroep, se besteane sûnt 1987. Rommert Reitsma, Durk Hogendorp, Tsjerk Bootsma, Marius de Boer en Tiede Lanting fertelle oer it begjin en de muzyk. We sjogge tal fan optredens. Oaren komme oan it wurd oer de band lykas Eric Ennema, Beart Oosterhaven, Henk Westbroek en âld-manager Bert de Vries. De muzyk wurdt omskreaun as serieus en teatraal en de band siket ek nei nije mooglikheden om mei oare keunstfoarmen te wurkjen.
VX-153164

Skriuwerslibben Theun de Vries

31 Desimber 2000

Theun de Vries (berne yn 1907) fertelt oer syn wurk en ynspiraasje. Hy wennet sûnt syn 30ste yn Amsterdam, mar Fryslân en foaral ek syn berteplak Feanwâlden komme altyd werom yn syn mânske produksje. Nei syn 90ste skreau er noch 3 romans en ek skriuwt er noch gedichten. Hy fertelt oer syn leafde foar skiednis, sagen en mearkes en oer Wilt Tjaarda, syn alter ego. "Skriuwen is myn libbenslok" seit er tsjin ynterviewer Geart de Vries.