Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

Hjoed: tongblier, it twadde gefal

Hjoed: tongblier, it twadde gefal

12 April 2001

Yn Hjoed fan 12 april 2001 it nijs dat Fryslân te krijen hat mei in twadde gefal fan tongblier. Nei Ie is de besmetting no ek yn Eanjum konstatearre. Skieppeboer Teun de Vries hat grutte noed oer syn skiep. Neffens W. Veenstra fan De Pein is de reekplom fan destruksjebedriuw Rendac yn Sumar de oarsaak fan de besmetting.
Hjoed: skorsing Ulbe Zwaga

Hjoed: skorsing Ulbe Zwaga

01 Maart 2003

De skorsing fan Ulbe Zwaga is werombrocht fan libbenslang nei trije jier.
OEROL_1994_WR

All along the lighttower 1994

14 Juny 1994

Yn 1994 wie der gjin Oerol-festival, mar die Omrop Fryslân telefyzje wol ferslach fan it All along the lighttower-festival op Skylge, yn it ramt fan it 400-jierrich bestean fan de Brandaris. It festival, betocht troch Oerol-organisator Joop Mulder, luts 8000 besikers. Undernimmers op Skylge setten dêrnei in aksje op tou dêr't Oerol fiif jier lang fan organisearre wurde koe, mei Joop Mulder as artistyk lieder.