Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

Simmer 2000 'Feestje bouwe'

Simmer 2000 'Feestje bouwe'

11 Juny 2000

Yn juny 2000 binne de tariedings fan alle aktiviteiten yn it ramt fan Simmer 2000 yn folle gong. We sjogge projektlieder Jaap Castelein, de Boonstra's út Aldeboarn dy't in reüny hâlde, tariedings foar it iepenloftspul yn Minnertsgea en in projekt troch seis byldzjend keunstners út Grins. Yn Minnertsgea binne se drok dwaande mei de opbou en de repetysjes foar it iepenloftspul Nylsk fan Hermana. Foar dat histoarysk epos wurdt in kastiel boud en ridderkostúms makke. Spilers oefenje mei hynderriden en swurdfjochtsjen.

LTV_TRADYSJE_FAN_JORWERT_070903_WR

De tradysje fan Jorwert

07 Septimber 2003

In programma oer de begjinjierren fan it iepenloftspul fan Jorwert mei Gais Meinsma, dy't meidie oan it earste iepenloftspul en dêrnei fyftich jier lang ferantwurdlik wie foar alle mooglike omballingen, en dûmny Verstoep, ien fan de inisjatyfnimmers en de earste regisseur. Ek is te sjen hoe't de produksje fan 2003, Ik wol spylje!, ta stân komt. En Hanneke Roelofsen makke mei alle ynwenners fan Jorwert in monumint dêr't in foardrager op stiet.

LTV_DE_SJONGENDE_STRAFPLEITERS

De sjongende strafpleiters

08 Jannewaris 1995

In portret fan de eigensinnige twillingbruorren Hans en Wim Anker, fan Akkrum. Se binne beide advokaat en binne lanlik bekend troch ûnder oare de ferdigening fan Ferdi E. Se prate oer har wurk en prinsipes, sa as dat se elke fertochte bystean wolle. We sjogge se oan it wurk yn de rjochtbank, yn petear mei kliïnten, mar ek by it útoefenjen fan de hobby's lykas sjonge yn de kroech, slingeraap en sealfuotbal. Se binne altyd ûnderweis, is it net nei in kliïnt dêr't se faak ek nei de útspraak kontakt mei hâlde, dan wol nei in lêzing organisearre troch de Vrouwenbond.