Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

Wurktiid TV: Koninklijke Tichelaar yn Makkum

Wurktiid TV: Koninklijke Tichelaar yn Makkum

28 Febrewaris 1996

Yn Wurktiid TV sjogge we it wurk fan ferskate bedriuwen. Yn dizze ôflevering giet it oer Koninklijke Tichelaar yn Makkum. Se dogge alles mei ierdewurk, nije tegels en in servys mei Nijntje, mar ek restauraasje. T. Witteveen fertelt deroer en J. Kok en J. Lieverdink fan de restauraasje-ôfdieling fertelle oer har wurk en litte sjen hoe't dat wurket. Benammen monuminten om 1900 hinne binne oan in opknapbeurt ta.

De winter fan 1929

De winter fan 1929

21 Febrewaris 1999

Yn de dokumintêre “De winter fan 1929” fertelle trettjin Fryzen hoe’t sy de winter belibbe ha. Dizze ekstreme winter levere bysûndere ferhalen op. Bauke Tuinstra koe bygelyks net sliepe fan de kjeld en socht de waarmte op yn it strie en Sikke Kooistra ride de Alvestedetocht mei 300 minsken dêr't de helte fan net oer de finish kaam.

LTV_DE_SJONGENDE_STRAFPLEITERS

De sjongende strafpleiters

08 Jannewaris 1995

In portret fan de eigensinnige twillingbruorren Hans en Wim Anker, fan Akkrum. Se binne beide advokaat en binne lanlik bekend troch ûnder oare de ferdigening fan Ferdi E. Se prate oer har wurk en prinsipes, sa as dat se elke fertochte bystean wolle. We sjogge se oan it wurk yn de rjochtbank, yn petear mei kliïnten, mar ek by it útoefenjen fan de hobby's lykas sjonge yn de kroech, slingeraap en sealfuotbal. Se binne altyd ûnderweis, is it net nei in kliïnt dêr't se faak ek nei de útspraak kontakt mei hâlde, dan wol nei in lêzing organisearre troch de Vrouwenbond.