Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

Wyn op Woansdei: Kreakstêd Ljouwert

Wyn op Woansdei: Kreakstêd Ljouwert

17 Maart 2004

Programmamakker Annet Huisman dûkt yn de wrâld fan de kreakers yn Ljouwert. Yn noch gjin jier tiid binne 15 pannen kreake. De measte gebouwen binne ek al wer ûntromme. Op dit stuit wurde noch sa'n 5 lokaasjes bewenne. Wa binne de kreakers en wêr steane sy foar? Annet Huisman sjocht by 'Steinoort' oan it Suderplein en 'De School', it eardere Centrum voor Vakopleiding oan de Ampèrestrjitte.

De Nije Moanne: Hearrenfean boppe

De Nije Moanne: Hearrenfean boppe

07 Oktober 1990

Programma oer fuotbalklup SC Hearrenfean, dy krekt nei de earedifyzje promovearre is. Dêrfoar moast de klup oan allerhanne strange easken foldwaan, lykas in feilichheidskoai foar útsupporters. We sjogge by de training mei coach Fritz Korbach. Foarsitter Riemer van der Velde komt oan it wurd, we sjogge hoe't it klupblêd It Pompebledsje stensile wurdt en by de wedstriid tsjin PSV. Kin Hearrenfean de earedifyzje oan of is it better om te fusearjen mei Cambuur?

Wurktiid TV: Koninklijke Tichelaar yn Makkum

Wurktiid TV: Koninklijke Tichelaar yn Makkum

28 Febrewaris 1996

Yn Wurktiid TV sjogge we it wurk fan ferskate bedriuwen. Yn dizze ôflevering giet it oer Koninklijke Tichelaar yn Makkum. Se dogge alles mei ierdewurk, nije tegels en in servys mei Nijntje, mar ek restauraasje. T. Witteveen fertelt deroer en J. Kok en J. Lieverdink fan de restauraasje-ôfdieling fertelle oer har wurk en litte sjen hoe't dat wurket. Benammen monuminten om 1900 hinne binne oan in opknapbeurt ta.