Yn Hjoed in reportaazje oer de tariedings foar de iepen dagen fan de fleanbasis yn Ljouwert yn july 1998. Twa wiken yn it foar wurdt noch drok oefene en lizze de draaiboeken klear foar it ferfier fan al dy tûzenen besikers.
Op de Ljouwerter fleanbasis sjogge we by de lêste tariedingen op de dei foar de iepen dei. De fleantugen repetearje de shows en bewenners fan omlizzende doarpen en famyljeleden fan militêren meie komme om te sjen.
Yn 1994 kaam in rekôrtal fan 150.000 besikers op de iepen dei fan de fleanbasis yn Ljouwert ôf. De demonstraasje fan in Frânsk team makke in soad yndruk troch kleurde read-wyt-blauwe reek te brûken yn har fleanshow. Ek wienen de nije frachtfleantugen Hercules te besjen en de Apache helikopters. Famylje koe fia satellyt belje mei útstjoerde militêren yn Bosnië.
Yn 2001 hâlde de fleanbasis Ljouwert iepen dagen. Op de earste dei, 6 july, kamen der goed 90.000 besikers op ôf. Kommandant J. Willemse wie tefreden en omwenners en fleantúchspotters seagen har de eagen út.De fleanshow wie in spektakel.