Boppedat-06-04-1998

Boppedat 1998 Minderheden yn Dútslân 1

06 April 1998

Yn Noard-Fryslân, yn it uterste noarden fan Dútslân, prate sawat 8000 minsken Frasch. Dy taal is famylje fan ús Frysk. Om't de groep Frasch-praters sa lyts is, is it foar harren in toer om ek in partner foar it libben te finen dy't ek Frasch praat. Sa komt it dat der op it fêstelân fan Noard-Fryslân noch mar in pear famyljes binne dêr't de man, de frou en de bern allegear Frasch prate. Ferslachjouwer Onno Falkena wie yn it ramt fan it Dútsk-Nederlânske sjoernalistenstipendium twa moannen yn Dútslân en ek in pear wike yn Noard-Fryslân.

Boppedat-07-04-1998

Boppedat 1998 Minderheden yn Dútslân 2

07 April 1998

Noard-Fryslân, yn it uterste noarden fan Dútslân, is bysûnder ryk oan talen. Njonken Dúts en ferskate farianten fan ús Frysk, wurdt der ek noch Deensk sprutsen en Plat-Dútsk. In soad Noard-Friezen behearskje de talen dy't yn de streek sprutsen wurde, sels al binne se noch mar fiif jier âld...

Boppedat-08-04-1998

Boppedat 1998 Minderheden yn Dútslân 3

08 April 1998

Yn it easten fan Dútslân groeit de belangstelling foar de folklore en tradysjes fan de Sorbyske minderheid. De Sorben binne in Slavysk folk fan 60.000 minsken yn de dielsteaten Brandenburg en Saksen yn de eardere DDR. Hoewol't de belangstelling foar de kultuer grut is, giet it net goed mei de Sorbyske taal. Yn Brandenburg bygelyks, wurdt de taal allinnich noch mar praat troch minsken fan 60 jier en âlder. In folslein Sorbysktalige Kindergarten moat der feroaring yn bringe.

Boppedat-09-04-1998

Boppedat 1998 Minderheden yn Dútslân 4

09 April 1998

It wengebiet fan de Sorben yn East-Dútslân is foar in part fernield troch de brúnkoalyndustry. Yn de kommunistyske tiid binne der 79 Sorbyske doarpen ôfgroeven foar de brúnkoalwinning. En ek no wurdt der, foar it earst sûnt de Dútske werieniging, in doarpke bedrige. Brúnkoalbedriuw Laubach wol oer in pear jier it doarp Horno slope en ôfgrave, mar de bewenners fersette harren út alle macht.

Boppedat-13-03-1998

Biikebrennen 1998

13 Maart 1998

Yn it wykein fan Sinte Piter, op 21 febrewaris 1998, begroete de Noard-Friezen alle jierren de maitiid mei tsientallen grutte fjoeren. Se neame it 'biikebrennen' en it is it wichtichste Noard-Fryske feest. De Noard-Fryske taal dy't yn Sleeswijk-Holstein troch tsientûzen minsken praat wurdt, spilet in wichtige rol by it biikebrennen.

LTV_VMBO_OP_IT_WETTER_WR

VMBO op it wetter

16 Oktober 2005

It vmbo-ûnderwiis stiet swier ûnder druk. Sawat 15 persint fan alle learlingen ferlit de skoalle sûnder diploma. Dochs binne der ek skoallen der't it oars is, lykas de Maritime Akademy yn Harns. Omrop Fryslân folge learlingen Ynse Leenstra, Jan Steenstra, Jard Jissink en Marjoke van Es 24 oeren lang.

IPW_100310_VV_JOBBEGEA

It Paad Werom: VV Jobbegea

10 Maart 2010

Dizze ôflevering fan It Paad Werom út 2010 giet oer VV Jobbegea yn de sechtiger jierren. Dan steane der in pear mannen op it fjild dy't krekt eefkes mear kinne as in oar, om't se altyd, mar dan ek altyd oan it baltsjetraapjen binne. Se reitsje sa opinoar ynspile dat se inoar mei de eagen ticht strakke ballen taspylje kinne. Dat docht fertuten: begjin jierren sechtich hat Jobbegea it bêste sneinsfuotbalteam fan Fryslân, dat spilet op it nivo wat no de haadklasse is.

LTV_Titus-Brandsma-1881-1942_WR

Titus Brandsma 1881-1942

30 Desimber 2008

Dokumintêre oer Titus Brandsma (1881-1942). Hy wie pater by de karmeliten, heechlearaar, publisist en fersetsstrider. Hy waard ombrocht yn in konsintraasjekamp. Gryt van Duinen prate û.o. mei Ton Crijnen dy't in boek oer Titus Brandsma skreau. Yn 2022 waard Brandsma hillich ferklearre.

LTV_Strawelte-ruger-as-fruger_WR

Strawelte, rûger as froeger

23 Novimber 2008

Programmamakker Piter Tjeerdsma folge de willepunkband Strawelte by de tariedings foar harren reunykonserten yn 2008. Ek mei histoaryske bylden fan optredens yn Litouwen yn 1989 en it ôfskiedskonsert yn Bûtenpost yn 1990.

LTV_Wiet-lan-droege-fuotten-1_WR

Wiet lân, drûge fuotten (1)

06 Novimber 2008

Earste diel fan in twalûk út 2008 oer de gefolgen fan de klimaatferoarings. Wat is nedich om yn Fryslân ek yn de takomst drûge fuotten te hâlden? Hoefolle moatte de seediken ferhege wurde en wat is nedich om de Fryske boezem 'klimaatproof' te meitsjen?

LTV_Wetter-as-ekonomyske-motor-2_WR

Wetter as ekonomyske motor (2)

13 Novimber 2008

Twadde diel fan it twalûk oer Fryslân as wetterprovinsje. Yn dizze ôflevering: nije technology om wetter te suverjen, en hoe't je dêr in ekonomysk model fan meitsje, dat wol sizze, jild mei fertsjinje kinne.

LTV_De-Schaduw-foar-it-fuotljocht-Havank-ynkoart2014_WR

De Schadum foar it fuotljocht: Havank

05 Oktober 2008

Programmamakker Henk te Biesebeek sketst yn dizze dokumintêre út 2008 in portret fan detektiveskriuwer Havank, dy't yn 1904 berne waard yn Ljouwert as Hans van der Kallen. Syn boeken yn de Zwarte Beertjes-sery, mei De Schaduw as haadpersoan, wiene in grut sukses. Nei syn dea yn 1964 hat skriuwer/sjoernalist Pieter Terpstra syn skriuwen oernaam en trochset, sa binne der noch 24 boekjes útbrocht. Dêrnei wie it dien, it ferkocht net mear, it wie te wollich en te âlderwetsk. Utjouwerij Bruna hie it idee om De Schaduw noch in kear ta libben te bringen yn in nij boek.

Pages