Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

180712_SADWAANDE_OER_NETWURKJE_16_02_2000.mp4

Sadwaande: Netwurkje

16 Febrewaris 2000

Dizze Sadwaande giet oer netwurkje. NHL-dosint Anton Wachter jout dêr kursussen yn en leit út watst dwaan en net dwaan moatst. We sjogge ek by it frouljusnetwurk, dêr't 65 froulju by oansletten binne. It bestjoer fertelt oer nut en needsaak. En we sjogge by de sakeklup fan SC Hearrenfean. Tal fan mannen komme dêr by elkoar om te iten, te praten en kontakten te lizzen. Prinses op learzens is ek oan it netwurkjen of is it no 'net wurkje'?
It Fryslan fan Marijke Jongbloed: Bûten de skepping

It Fryslan fan Marijke Jongbloed: Bûten de skepping

22 Novimber 1998

Fiif filmmakkers binne frege om in dokumintêre te meitsjen oer de feroarings yn Fryslân. It idee is ynspirearre op it boek 'Hoe God verdween uit Jorwert' fan Geert Mak. Yn dizze film fan Marijke Jongbloed 'Bûten de Skepping' giet it oer it fiskersdoarp Moddergat. Se folget in groep Amerikaanske toeristen dy't leare oer de ramp yn 1883 doe't 83 fiskers omkamen yn in stoarm op see. Teade Basteleur fertelt oer syn pake dy't de ramp oerlibbe.
LTV_LAN_FAN_DREAM_EN_WINSKEN_4_MICHIGAN_200200_WR

Lân fan Dream en Winsken: diel 4: Holland, Michigan

20 Febrewaris 2000

We folgje Hendrik Baron, Sippe Boonstra en Feije Hekstra dy't yn de steat Michigan wenje. Baron emigrearre yn 1948 nei Amearika, dêr't er heechlearaar Ingelske taal- en letterkunde waard. Hekstra makke yn 1952 de oerstek, hy hat no in grutte stâl mei Fryske hynders. Boonstra, oarspronklik fan Tsjummearum, hat in boekhannel. Alle trije fertelle se oer wat se berikt ha yn it libben, mar ek dat se eins nergens thús hearre, se tinke bot nei oer har identiteit. Mei Hendrik Baron en Feije Hekstra geane we ek werom nei harren berteplak yn Fryslân (De Pein en Damwâld).