Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

SADWAANDE_260901_KOUDUM

Sadwaande: Koudum

26 Septimber 2001

Dizze Sadwaande giet oer Koudum, en dan spesifyk it doarpsfeest. Fanwege de oanslaggen fan 9/11 wie it feest hast oergien, mar der is dochs oars besletten. We sjogge by de optocht mei de fersierde wein, de tarieding dêrfan en ek fan de blommewein, op de merke, ringriderij, by it bekendmeitsjen fan wa't it Koudumer beantsje wurdt, ballonblazen en -oplitten troch de skoalbern en yn de feesttinte. Mar wat fynt de ymport eins fan it doarpsfeest? Floris komt der net mear.
Wurktiid TV: Sosjale wurkfoarsjenning Woudengroep yn Drachten

Wurktiid TV: Sosjale wurkfoarsjenning Woudengroep yn Drachten

29 Jannewaris 1997

Yn Wurktiid TV sjogge we it wurk fan ferskate bedriuwen. Yn dizze ôflevering giet it oer de krekt ynfierde wurkwike fan 36 oeren by de sosjale wurkpleatsen. We sjogge by Woudengroep yn Drachten dêr't ûnder oare listen makke wurde. By muzykútjouwerij De Haske op It Hearrenfean sykje se trije nije meiwurkers en twa minsken dogge in oprop foar wurk op it arbeidsburo op It Hearrenfean. En Helena fan bakkerij Kuiper yn Snits is bêste kollega fan de wike.
LTV_SYTZE_PRUIKSMA_FR_141202_WR

As pauken sjonge: portret fan Sytze Pruiksma

14 Desimber 2002

Sytze Pruiksma is slachwurker. Hy komt út in hiele muzikale famylje en fertelt dêroer en oer syn wei nei it konservatoarium. Hy spile by ferneamde orkesten mar wol mear út de muzyk helje as inkeld noaten spylje. We sjogge him oan it wurk foar in dûnsfoarstelling. Neist de muzyk hat er in passy foar fûgels. As bern al gie er mei de kiker deropút yn de Warkumerwaard.