Sykje

It kultuerprogramma Spegels fan 11 juny 1999 stiet folslein yn it ramt fan it stik Peer Gynt dat Tryater op it Skylger festival Oerol spilet. We sjogge achter de skermen by de lêste tariedingen en repetysjes fan dit klassike toanielstik dat oarspronklik skreaun is troch de Noar Ibsen. Yn it stik giet Peer op syk nei himsels. Om't it in stik op lokaasje is, in hiel grutte sânflakte op Skylge, bringt de produksje nochal wat útdagingen mei, it is in soarte fan ekspedysje. Akteurs moatte einen troch sân en dunen klauterje, dat komt bot op de spieren oan.