Sykje

Yn Wurktiid TV sjogge we it wurk fan ferskate bedriuwen. Yn dizze ôflevering giet it oer dat mannen in dei minder wurkje of in dei thús wurkje om mear by de bern en de opfieding belutsen te wêzen.
B. van der Meulen wennet yn Drachten en wurket by Rykswettersteat yn Ljouwert. Hy telewurket ien dei thús sadat er mear by syn dochter wêze kin. A. van der Meulen wurket by Stertil en hat ien dei ynlevere om mear thús wêze te kinnen en de soarch mei syn frou earliker te dielen. A. de Pree fan it emansipaasjebedriuw hat ûndersyk dien en mannen ynterviewd dy't minder wurkje.

Yn Wurktiid TV sjogge we it wurk fan ferskate bedriuwen. Yn dizze ôflevering giet it oer de WSW, de wet op de sosjale wurkfoarsjenning, subsidiearre banen foar minsken mei in ôfstân nei de arbeidsmerk. Direkteur F. Kooiker fan De Woudengroep fertelt oer it nut fan de wurkpleats en wurknimmers T. Gevers en F. van Velzen fertelle oer it wurk dat se dogge yn de wurkpleats, se meitsje ortopedyske produkten.

Yn Wurktiid TV sjogge we it wurk fan ferskate bedriuwen. Yn dizze ôflevering giet it oer Le BonBon yn Gytsjerk dêr't se bonbons en oar guod fan sûkelade meitsje. Se binne ferneamd wurden mei de bearenburchbonbon en ha no krekt de Mata Haribonbon betocht en der lizze plannen foar in Aldehoubonbon. Boppedat fertelt R. Otto, direkteur-eigener, dat er oan it ûndersykjen is oft er saken dwaan kin mei Sina. Meiwurker G. Sandtman lit sjen hoe't bonbons makke wurde.

Yn Wurktiid TV sjogge we it wurk fan ferskate bedriuwen. Yn dizze ôflevering giet it oer blommekweker Klaas-Jan Prakker. Earder hie er skiep, mar no sit er yn de blommen. Hy fertelt dat it arbeidsyntinsyf is, se rispje mei de hân. Hy krijt help fan de 14-jierrige T. Karbed. Karmaster fan de feiling, H. Harms, leit út wêr't in goede blom oan foldwaan moat.

Yn Wurktiid TV sjogge we it wurk fan ferskate bedriuwen. Yn dizze ôflevering sjogge we by boatsjeferhierders yn Heech. De gemeente hat toeristebelesting ynfierd en de ferhierders binne benaud dat de toeristen net langer yn de haven lizze wolle om't de kosten heger wurden binne. Ek ha se noed oer konkurrinsje fan East-Dútslân. J. Oost (Foekema Watersportbedrijf), W. Wempe (Loko-boargemaster Wymbritseradiel), Kees Alberts (Ottenhome Watersport), Kees Brandenhorst (De Horse) fertelle deroer.