Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

LTV_Lenin-op-e-Lemmer_WR

Lenin op De Lemmer: portret fan Rinze Visser

13 Maaie 2007

Portret fan kommunist Rinze Visser fan De Lemmer, lid fan de NCPN. Hy is al 37 jier riedslid en dwaande mei syn 10e perioade yn de ried fan Lemsterlân. Hy fertelt oer syn idealen, en wol it better meitsje foar de gewoane minske. We sjogge dat er oaren helpt by administrative putsjes en we sjogge him thús oan it skriuwen foar de twawyklikae krante Manifest. Kollega-riedsleden fertelle oer it 'Rinze-effekt' en dat er in 'wandelende ombudsman' is. Hy praat in soad mei minsken op de dyk en is ek geregeld te finen by de leagenbank. Ek tal fan Lemsters fertelle wêrom't se op Visser stimme.
Tûkelteammen 0106

Tûkelteammen 0106

05 Novimber 2002

Yn dizze Fryske taalkwis binne de dielnimmers yn team 1: plysjewurdfierder Harry Oenema en Oatske van der Zwaag; yn team 2: Ingrid Wagenaar fan de Afûk en Eppie Talstra.
Wyn op Woansdei: NLP

Wyn op Woansdei: NLP

24 Novimber 2004

Programmamakker Evert van den Berg socht syn âld-learling Anja Doorn-Scheper út Wolvegea op. It giet har foar de wyn: se is direkteur fan skildersbedriuw FROM (25 wurknimmers), hat in aardige man en trije lytse bern en se hat krekt bûten Wolvegea in grut nij hûs sette litten. Mar der is in probleem: Anja kin net oer krityk. Se hat der sa bot lêst fan, dat se help socht hat. Dy hat se fûn yn NLP (Neuro Linguïstysk Programmearjen). Se folget kursussen, docht oefeningen en krijt help fan 'personal coaches'.