Sykje

Rense Westra docht syn libbensferhaal út de doeken. Syn sukses as akteur, dy't tagelyk fan ynfloed wie op syn ûndergong en syn drankproblemen, dy't him ticht by de dea brocht ha. Westra fertelt helder oer dy perioade en syn striid om wer omheech te klauterjen.

CNV-foaroanman Doekle Terpstra komt op 'e tekst oer it wurk fan de fakbeweging, en op de fraach oft it fakbûn noch wol takomst hat. Ek de persoanlike "drive" fan Terpstra, boeresoan út Wytmarsum, komt oan it ljocht.

Friesland Bank-baas Age Offringa giet mei de jongeren yn diskusje oer de fraach oft sy noch wol takomstperspektyf yn Fryslân hawwe. Is der noch wol wurk foar harren en hoe komt it dat Fryslân yn ekonomysk opsicht altyd achter de feiten oan liket te rinnen.

Jan Tekstra fertelt oer syn wurk as tekstskriuwer foar ûnder oaren Marco Borsato, mar ek oer syn mislearre projekt mei De Nije Kast, en docht út de doeken hoe't hy syn takomst as muzikant fierder sjocht.

Friesch Dagblad-sjoernalist en nazi-jager Jack Kooistra is de tredde gast. Hy wurdt ûnderfrege oer syn driuwfearren om goed in heale iuw nei de Twadde Wrâldoarloch noch sa fanatyk te sykjen nei oarlochsmisdiedigers. Kooistra komt der plan-út foar út dat wraak syn belangrykste motyf is. Troch de ynterviews slagget Kooistra deryn om de skepsis by de jongeren om te setten yn bewûndering foar syn hanneljen.