Frozenland: twa dagen muzykfestival yn Ljouwert

Frozenland: twa dagen muzykfestival yn Ljouwert

05 Juny 1998

Frozenland, ûnderdiel fan Fryslân 500, is in muzykfestival fan twa dagen by Ljouwert. Der komme minder besikers as ferwachte, mar de sfear is goed. Uteinlik binne 6.000 kaarten ferkocht. Der is in gat yn de begrutting fan 30.000 gûne. Der binne fiif poadia, ien fan de headliners is Run DMC, mar ek Fryske acts as Reboelje dogge mei en it lêste optreden fan Simmer is dêr.

Hjoed: Fryslân 500, de offisjele betinking

Hjoed: Fryslân 500, de offisjele betinking

20 Juny 1998

Yn Hjoed fan 20 juny 1998 is de offisjele betinking fan Fryslân 500 te sjen. Dat wie yn de Grutte Tsjerke yn Ljouwert yn bywêzen fan prinsesse Margriet. Kommissaris Loek Hermans faget de flier oan mei de minsken dy't krityk ha op Fryslân 500. Fryske organisaasje boykotte de betinking. Neffens Hermans is 1498 in kearpunt yn de skiednis en hat it de basis lein foar ús bestjoersfoarm. Yn de dêropfolgjende reportaazje is te sjen dat oan de oprop om te flagjen net folle gehoar jûn is. Yn Bitgum wapperet de swarte flagge oan de tsjerketoer, in inisjatyf fan de koster.

Boppedat: Fryslân 500, oer de skiednis fan Frjentsjer

Boppedat: Fryslân 500, oer de skiednis fan Frjentsjer

04 Juny 1998

Yn Boppedat fan 4 juny 1998 is in reportaazje te sjen oer de skiednis fan wat der barde yn 1498. Hertoch Albrecht van Saksen foel Fryslân binnen, hy socht in gebiet foar syn soan Hendrik om de macht oer te hawwen. Hy wenne yn it iennige kastiel fan Fryslân, Sjaerdemaslot yn Frjentsjer. It slot is yn 1713 ôfbrutsen, de restanten lizze ûnder it fjild fan it Sjûkelân. De bolwurken om it slot hinne binne noch altyd te sjen. Meindert Schroor en Wâtse Hiddema fertelle oer de skiednis.

Hjoed: Fryslân 500 oer de bommelding

Hjoed: Fryslân 500 oer de bommelding

04 Juny 1998

Yn Hjoed fan 4 juny 1998 is it nijs dat in bommelding it histoarysk kongres fan Fryslân 500 fersteurde. De melding kaam by de koster fan de Grutte Tsjerke yn Ljouwert. Alle 250 dielnimmers moasten derút. Tal fan Fryske organisaasjes, lykas de FNP, binne it net iens mei Fryslân 500, mar feroardielje dizze aksje fan it Frysk Nasjonaal Befrijingsfront wol. Tsjinstanners fan it feest wolle in stille tocht organisearje.

Hjoed: Fryslân 500 oer Frozenland

Hjoed: Fryslân 500 oer Frozenland

05 Juny 1998

Yn Hjoed fan 5 juny 1998 binne twa repo's oer Frozenland te sjen, it popfestival dat ûnder Fryslân 500 falt. Der binne 4.500 kaarten ferkocht en de jongerein komt út it hiele lân wei. Der binne fiif poadia. Ien fan de headliners is Run DMC. Troch de strange kontrôle op drank, drugs en wapenbesit duorret it lang foardat de besikers troch de poarten nei binnen meie. In soad misse de iepeningsact fan it Frysk Jeugd Orkest mei Reboelje. Ek De Heideroosjes, punk út Limburch, trede op. De twadde reportaazje giet oer ferkearsdrokte en tariedings.

Op it Aljemint: Fryslân 500

Op it Aljemint: Fryslân 500

23 April 1997

Yn 1998 fierde de provinsje 'Fryslân 500'. Mei betinkingen en eveneminten waard stilstien by it feit dat Fryslân 500 jier lyn troch Albrecht van Saksen yn 1498 ûnder sintraal gesach kaam. Dêrmei kaam in ein oan de ferneamde Fryske frijheid. It feest hat fan begjin ôf oan foar- en tsjinstanners hân. Yn it politike praatprogramma Op it Aljemint praat Onno Falkena op 23 april 1997, dus in jier foardat Fryslân 500 is, mei Pieter de Groot, sjoernalist by de Leeuwarder Courant en kritikaster en Thom van der Goot, direkteur fan De Lawei en as bestjoerder belutsen by Fryslân 500.