Dizze Sadwaande giet oer feilichheid op de Fryske diken. Hoe ride minsken mei alkohol yn it ferkear? En wat drinke minsken yn de sportkantine, stappe se mei drank op achter it stjoer? We sjogge ek by Revalidatie Friesland yn Beetstersweach.
Dizze Sadwaande giet oer isolemint. We prate mei slúswachters by de Lorentz-slûzen by Koarnwertersân, Rennie Kronemeyer en har man Bram dy't beide dôf binne en mei menear Tahir, dy't goed fjouwer lyn út Somalië flechte. Allegear ha se te krijen mei in soarte fan isolemint.
Dizze Sadwaande giet oer waarmte. In húsdokter leit wat út oer de temperatuerhúshâlding fan it lichem, we sjogge by kachelbouwer Faber en prate mei de kachelspesjalist oer de ferskate types. Ingrid is by in Reiki-master en we prate mei in psycholooch.
Dizze Sadwaande giet oer de trije nominearre bedriuwen foar ûndernimming fan it jier. It binne De Haske publications, dêr't se blêdmuzyk drukke, mar der is ek in opnamestudio en in edukative ôfdieling, sportskoalle Instituut De Vries yn Ljouwert en boatebouwer Kuipers yn Wâldsein. Ek komme sjueryleden Rutger Boelsma en Max Kooijmans oan it wurd.
Dizze Sadwaande giet oer startende ûndernimmers. We sjogge by de finale fan de starterskompetysje, prate mei saakkundigen fan de Keamer fan Keaphannel en prate mei ferskate starters lykas spultsjewinkel Spellekijn, túnbedriuw Van Tuinen, ferpakkingsbedriuw Impack en hotel-restaurant De Abdij.
Dizze Sadwaande giet oer it Frysk en streektalen. Ingrid is yn Hylpen dêr't noch Hylpersk praat wurdt. We sjogge by it wurk fan de Fryske Akademy yn Ljouwert, it wittenskiplik ynstitút makket ûnder oare it Grut Wurdboek fan de Fryske taal, docht ûndersyk nei skiednis en taalsosjologysk ûndersyk. We sjogge ek by de les Frysk op Magister Alvinus yn Snits en by in kursus fan de Afûk.
Dizze Sadwaande giet oer ferkeap, hoe kinst wat ferkeapje? We sjogge by de feiling fan in pleats mei ynboel. Der ha sjochdagen west en no wurdt der bean op de feiling. De bewennner is stoarn en neibesteanden binne der net. We prate ek mei in autoferkeaper en minsken dy't telefoanysk ferkeapje. Ingrid helpt mei mei de ferkeap op de freedsmerk.
Dizze Sadwaande giet oer de ierappel of jirpel. Se komme fan oarsprong út Súd-Amearika. Yn Fryslân binne boeren dy't foar de konsumpsje ferbouwe, of setters of spesjalisten fan de ZPC. We sjogge by in gruthanneler dy't de ierappels test, by de jirpelboer en by it kweekbedriuw fan de ZPC yn Mitselwier dêr't se nije soarten kweke. Ingrid is yn de keuken fan De Slotpleats yn Bakkefean dêr't se mei de kok wat lekkers makket fan de ierappel.
Dizze Sadwaande giet oer poep. Ingrid giet mei op rioelynspeksje om te sjen wêr't de ferstopping sit. We sjogge by de berne-opfang dêr't de liedsters in soad ruften ferskjinje moatte. Learlingen fertelle har moaiste poepferhaal en by it lab ûndersykje se de poep om te sjen watfoar firussen, baktearjes en parasiten oft der yn de poep sitte.
Dizze Sadwaande giet oer groei, by minsken, planten en bisten. Ingrid is by de berne-dokter en praat mei Rindert dy't hormoanen krijt om te groeien en mei Tineke dy't groeiremmers krijt. Ytsen Kooistra fan Sûne Grûn leit yn syn achtertún út oer de groei fan planten, we sjogge by in folkstún. In feesaakkundige en in feefokker prate oer de groei fan kij.
Dizze Sadwaande giet oer trouwen. We sjogge benammen by de tariedingen: it útsykjen fan de jurk, it pak, de kapper en de fotoreportaazje. We prate mei in notaris en sjogge by in maatskip, in pear dat beide yn it boerebedriuw wurket. Ingrid folget it wurk fan de bûtengewoan amtner fan de boargerlike stân.
Dizze Sadwaande giet oer de thússoarch. Hieltyd mear minsken ha soarch nedich. We sjogge by soarchfersekerder De Friesland, thússoarch De Friese Wouden, Hulpmiddelencentrum en de Griene Krúswinkel. Ingrid helpt by de famylje Leyenaar yn Dronryp dy't alle wiken thússoarch krije.