Tradisjoneel ride tûzenen fytsers op Pinkstermoandei de Fytsalvestêdetocht. De edysje fan 1997 wie wiet mei in soad rein en lekke bannen. Wiebe Wobbes fytste de tocht sels twa kear, foar it goede doel.
In heal kratsje bier de man. Neffens de lanlike Stichting Alcoholpreventie, koartsein STAP, is dit it gemiddelde alkoholgebrûk fan jongeren yn eigen keten en caravans. 'Skrikbarend' fynt de STAP. Yn Fryslân binne inkelde hûnderten caravans dêr't jongeren byinoar komme en sûnder tafersjoch oan it bier sitte. Dat it ek oars kin bewiist in groepke jongeren yn Driezum. Dêr lette de âlderen op it drinkgedrach fan 'e jongeren.
It is noch net dúdlik hoe't it takom jier komt mei it Aaipop-festival yn Nijlân. It muzykfestival mei allinnich mar Frysktalige acts moat takom jier romte ynleverje. Dat betsjut dat der yn elts gefal ien festivaltinte ferdwine moat. Mar mei minder minsken kin it festival net út, neffens de organisaasje.
In folslein útferkocht Aaipop is fan 'e middei foar de 15e kear yn Nijlân úteinsetten. It tredde lustrum hie eins ferline jier wêze moatten, mar doe koe it fanwege de tongblier net trochgean. Benammen foar doarpshûs De Mande betsjutte dat grutte finansjele konsekwinsjes. De fraach wie hjoed dan ek oft it tal besikers it ferlerne jier 2001 wer goed meitsje koe.
Foar de 11e kear wurdt hjoed it Fryske popfestival Aaipop hâlden. De lokaasje foar it festival is it multifunksjoneel sintrum De Mande yn Nijlân. Sa'n 2500 popleafhawwers kamen op de 16 Frysktalige bands ôf.
Mear as twatûzen jongeren hawwe juster op Aaipop west. Dat binne wer in pear hûndert mear as ferline jier. De organisaasje fan dit grutte peaskepopfestival yn Nijlân neamt de achtste edysje in sukses.
De konkurrinsje tusken de ferskate hûneshows yn Nederlân wurdt te grut. Dêrtroch luts de ynternasjonale hûneshow yn Ljouwert wer minder hûnen as ferline jier. Sa stelt de organisaasje. Krapoan 2100 hûnen wiene der oanmeld, yn de heechtiidsdagen wiene dat der 500 mear. De ferskate hûneshows binne sa flak achterinoar pland dat minsken in kar meitsje moatte.
Popgroepen dy´t optreden hawwe by it jierlykse peaskepopfestival Aaipop yn Nijlân hawwe krityk op de organisaasje. De bands fine dat de stifting Aaipop te min jild op it kleed leit foar de optredens. Benammen Foppe Land fan de band Klinkhamer fynt dat de organisaasje te lege honoraria jout. De stifting Aaipop fynt de krityk net terjochte.
En dan in oare klassiker op peaskemoandei, de ynternasjonale hûneshow. De belangstelling is al jierrenlang grut. Sa'n 15.000 besikers kamen hjoed nei it FEC. 2300 rashûnen setten har bêste poatsje foar. En dat is sels noch wat mear as de ôfrûne jierren.
Op de tradisjonele ynternasjonale hûneshow yn it Ljouwerter FEC wie hjoed de fûgelpestkrisis ek te fernimmen. Der binne ekstra feedokters ynset om twifelgefallen út it suden en België te keuren. Guon dielnimmers mochten net meidwaan en oaren út Brabân woene net. De organisaasje hopet mei de maatregels foar te kommen dat de tûzenen besikers fan de hûneshow it firus ferspriede.