Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.
Wâldrock groeit sa stadichoan út ta it grutste popfestival fan Fryslân. 4.000 heavy-metalfans kamen sneon nei de Simmerdyk by Burgum, en dat wie 1.000 mear as ferline jier. Njoggen bands, benammen út it bûtenlân, ragden der op los. Mar Wâldrock is fral ek in moetingsplak, foar minsken dy't allegear deselde libbensstyl oanhingje: metal.
In protte leven wer hjoed yn Burgum. It Wâldrockfestival gong dêr fan 'e middei los. Sa'n 5.000 hardcore en heavymetalfans kamen op it festival ôf. Sa'n 2.500 minsken minder as ferline jier. Under de besikers wol in spesjalen ien trouwens. Aad Bos fan de arbeidsynspeksje. Hy kontrolearret it festival op feilichheid, arbeidsoeren en fansels op desibels. Yn de streamende rein komme de minsken binnen. Net leuk fansels, mar de muzyk makket in hoop goed. Want dêr giet it harren om. En ek Bos. Hy rint al in pear dagen op it festivalterrein.
Yn 2002 waard yn it iepenloftmuseum fan Arnhim in Frysk wâldhúske iepene. It arbeidershúske wie dêrfoar wer hielendal fan de grûn ôf opboud. In grutte groep ynwenners fan Dantumadiel wie by de offisjele iepening.
Twa nijsreportaazjes oer Klaas Bruinsma (1931-2018). Yn 1998 kaam syn oersetting fan de Mei fan Herman Gorter út. En yn 2004 de Fryske oersetting fan de klassike boeken Odusseaia en Ilias fan Homeros.
It Veenhoop-festival op De Feanhoop is ferneamd, mei syn tûzenen besikers, optredens en benammen in hiel soad bier, lûkt it altyd de oandacht. Yn Hjoed sjogge we by de tariedingen fan trije ferskillende edysjes en komme ferskate campinggasten oan it wurd.
Frozenland, ûnderdiel fan Fryslân 500, is in muzykfestival fan twa dagen by Ljouwert. Der komme minder besikers as ferwachte, mar de sfear is goed. Uteinlik binne 6.000 kaarten ferkocht. Der is in gat yn de begrutting fan 30.000 gûne. Der binne fiif poadia, ien fan de headliners is Run DMC, mar ek Fryske acts as Reboelje dogge mei en it lêste optreden fan Simmer is dêr.
It gie der yn 1998 bot om wei yn Sealen Schaaf yn Ljouwert. De Amerikaanske porno-rockband The Impotent Seasnakes wie dêr mei in pornografyske show. Mar in pear hûndert minsken kamen der op ôf. Minder as organisator Harrie Muis ferwachte hie, mar de bandleden fûnen it lang net min foar in earste optreden yn Fryslân.
Babyboom yn Aldegea-Smellingerlân. Yn it doarp binne de lêste tiid 30 lytse poppen berne. De ynwenners ferklearje de oanwas troch it grut tal jonge minsken dy't yn de nijbou kaam binne. Mar de bakker fan it doarp tinkt dat der mear oan de hân is. Fan 'e middei krige doarpsbelang Aldegea in cheque foar de flink befolkingsgroei én omdat it doarp 100 jier bestiet.
Al sûnt 1955 stoppet der gjin trein mear op stasjon Jellum-Boksum. Der is sels neat mear wat oan in stasjon tinken docht. Mar fan 'e moarn wie dat oars. Njoggen oere stienen der op it plak fan it eardere stasjon 38 skoalbern te wachtsjen op de trein dy´t har nei Starum bringe soe. Foar ien kear, yn ferbân mei it skoallereiske.
Hast oardel miljoen Nederlanners hawwe op 'e earste dei fan it nije jier euro's út in pinautomaat helle. Dat hat Interpay, de organisaasje dy't it elektronyske betellingsferkear regelet, bekendmakke. De Friesland Bank wie hjoed ien fan 'e lêste banken dy't har pinautomaten klearmakken foar it brûken fan 'e euro. Sân ploegen makke yn de Fryske filialen 77 automaten ree foar de euro.
Wâldrock groeit sa stadichoan út ta it grutste popfestival fan Fryslân. 4.000 heavy-metalfans kamen sneon nei de Simmerdyk by Burgum, en dat wie 1.000 mear as ferline jier. Njoggen bands, benammen út it bûtenlân, ragden der op los. Mar Wâldrock is fral ek in moetingsplak, foar minsken dy't allegear deselde libbensstyl oanhingje: metal.
In kompilaasje fan de Befrijdingsfestivals yn Ljouwert yn 1994, 1995, 1996, 1997 en 1998; mei artysten as 2Unlimited, Marco Borsato, Trijntje Oosterhuis, en De Kast dy't op de Dam yn Amsterdam optreedt.
De foarferkeap kaam mar min op gong, dochs hellet muzykfestival Wâldrock genôch besikers om út te kinnen. De organisaasje ferwachtet dat der oant jûn tolve oere sa'n 7.500 besikers nei Burgum komme. Op 'e 18e edysje fan Wâldrock spylje hardrock- en metalbands as Megadeth, Black Label Society en Icepick. Yn it programma sitte gjin grutte topacts lykas de wrâldferneamde band Rammstein. Dy binne foar Wâldrock net mear te beteljen. Mar de besikers binne goed te sprekken oer it programma. Se komme út it hiele lân nei Wâldrock. En soms ha je sels de dei fan je libben nei in optreden.
De fjirtjinde edysje fan Wâldrock yn Burgum is fan start gien. De sfear siet der goed yn, ek al wie it sa út en troch wat reinich. De kaartferkeap falt úteinlik toch noch wol ta, yn totaal binne der noch sa'n 8.500 kaartsjes ferkocht. Der is plak foar sa'n 12.000 minsken, mar om't der dit jier gjin grutte act is, binne dat der wat minder wurden. Wylst Wâldrock iepene wurdt troch de Fryske band Mortuary I.O.D, stiet der foar de yngong noch in grutte rige. De kaartsjes binne ferkocht oan minsken út hiel Nederlân en fan alle leeftiden. Wâldrock is dit jier wat lytser fan opset.