Portret fan it doarp De Hoeve en syn 400 ynwenners. Der binne gjin winkels mear, mar wol in basiskoalle en in ryk ferieningslibben. We sjogge by op skoalle, by it koar, de kuorbal, rivier de Linde, de ielkwekerij en de biologyske túnker. Yn it doarp wenje ek in keunstskilder en in regisseur/senarioskriuwer.
Portret fan it doarp Poppenwier en syn 180 ynwenners. Bysûnder is dat it doarp de tsjerke behâlden kinnen hat, mei in spesjaal oerwurk. Der is ek noch in ferskûle menistetsjerke. It doarp ken in eigen fariant fan kuorbal en hat sels in doarpshûs boud foar de jeugd en de ferieningen. De doarpshistoarikus fertelt oer eardere tiden. Der binne gjin winkels,de SRV-wein komt yn it doarp.
Portret fan it doarp Surch en syn ynwenners. Surch is it lêste doarp foar de Ofslútdyk en wurdt altyd neamd mei Zürich yn Switserlân. Der is gjin skoalle mear mar wol al hiel lang hotel De Steenen Man. Aktrise Astrid Reitsma en Reboeljelid Tjerk Bootsma binne de eigeners, se kochten it fan Hans Waterlander dy't ferhalen fan eartiid fertelt. Der is ek in bedriuw yn seewjirms. Foar bern is der net folle te dwaan, gasten komme der om te seefiskjen. Der binne plannen foar de bou fan in multyfunksjoneel sintrum.
Portret fan it doarp Westergeast en syn ynwenners. We sjogge Johannes Boersma dy't tal fan gebouwen út it doarp tekene hat en koster Harm Bergsma fertelt oer de tsjerke. Yn it doarp is in doarpshûs, Fokkema's Pleats, der binne twa campings, in galery, in jachtbouwer, in jachthaven en in ljeskâns. In skoalle is der net, bern geane nei De Trieme. Tal fan ynwenners komme oan it wurd en fertelle oer har hobbys. We sjogge û.o. by de samling fan opsette bisten en poppen.
Portret fan it doarp Hieslum en syn 70 ynwenners. Ien dêrfan is Gatze Labordus, hy sammelet alles dêr't roazen op steane, fan diggelguod oant tekeningen. It doarp hat ek in boerecamping fan de famylje Heeres, in boatsjebetimmerer en in komponist. Alle jierren betinke se de omkommen bemanning fan in yn 1943 delstoarte Lancaster. It doarp hat in toanielferiening en in modelfleanklup.
Yn dit programma besjogge we it doarp Easternijtsjerk en alles wat derby heart oan de hân fan learlingen dy't allerhanne minsken besykje en fragen stelle. Sa komme we mear te witten oer de skiednis fan de tsjerke, sjogge we by in bijehâlder, garaazjebedriuw en arsjitekt Gunnar Daan. Ek de stands op de Expo, de feesttinte, fuotbal, skoalle, it nijbouplan en de leeljekweker komme foarby.