Sykje

Yn dizze earste ôflevering fan de searje oer technyk lit Jildou de Vries ferskate soarten ferbiningen, útfiningen en tapassingen sjen. Se sjocht ûnder oare by Batavus op It Hearrenfean, lânboumasinefabryk Miedema yn Winsum en by de satelliten yn Boerum. Learlingen fan it Liudger yn Drachten meitsje in opdracht foar technyk.

Yn dizze twadde ôflevering fan de searje oer fakânsje yn Fryslân praat Jildou de Vries mei Gerke Boersma fan de Recron en mei Wobbe van der Vegt fan de provinsje oer toerisme. Benammen de Waadeilannen lûke in soad toeristen.

Yn dizze twadde ôflevering fan Geweldig Express ûndersiket Jildou Hoitsma it tema geweld fierder. Yn 1345 fersloegen de Friezen de Hollanners by de slach by Warns. Yn de Twadde Wrâldoarloch binne ek in soad minsken ûnderdrukt en oan geweld bleatsteld. Roelof Ybema út Warkum docht syn ferhaal oer hoe't er troch de Dútsers oppakt is en yn strafkampen telâne kaam. Douwina Boomsma fan Amnesty International fertelt oer lannen wêr't ûnderdrukking noch hieltyd bestiet. Yn Fryske asylsikerssintra sitte minsken dy't ek foar it geweld flechte binne.

Dizze ôflevering fan Linkk Ekstra, in programma fan skoaltelefyzje, is diel trije fan de rige oer it leauwe: joadedom, kristendom en islam. Jildou Hoitsma giet yn op de oerienkomsten, elk leaut yn deselde God, mar ek op de ferskillen. Dat sit ûnder oare yn de gewoanten fan iten en bidden.