Weromrop.frl - útstjoerings

Dizze Sadwaande giet oer de Iselmar. It wetter is fan belang foar de wetterstân yn de provinsje, dêrom wurdt de kwaliteit metten. We sjogge by dat wurk fan Wetterskip Fryslân. We binne mei te farren op in ielfiskersskip en we sjogge mei in boskwachter by in bysûnder natuergebiet by de Iselmar. En prinses op learzens soarget foar in riedsel, swimt der no in haai?

Dizze Sadwaande giet oer klusse, putsjes yn en om 'e hûs by in ferbouwing dus. We prate mei in oannimmer/timmerman en in skilder dy't tips jouwe. En we sjogge by in stel yn Noardburgum, de frou seit wat se ha wol, de man makket it en we sjogge noch by in oar ferboud hûs, dêr't neat fan op itselde plak stean bleaun is. Prinses op learzens is yn de boumerk.

Dizze Sadwaande giet oer Fryske adel. We sjogge thús by Tjalling van Eysinga en syn frou Antoinette van Eysinga-van Nievelt yn Sint-Nyk. Ek al binne se fan adel, se binne hiel gewoan. We sjogge ek by it lân, der binne rekreaasjewenten en in golfbaan en by Boschoord. Histoarikus Yme Kuiper fertelt oer De Klinze, en de eardere bewenner Hobbe Baerdt van Sminia. En we sjogge by Schatzenburg yn Dronryp, dêr fertelt jonker W.F.G.L. van Beyma ûnder oare oer de restauraasje. Ta beslút wurdt útlein wat der te sjen is op famyljewapens. En prinses op learzens wol ek blau bloed.

Dizze Sadwaande giet oer sunigens. We prate mei minsken op strjitte dy't krekt har boadskippen dien ha by de Aldi, lekker goedkeap. En we prate mei minsken dy't sunich libje, de ien om't se nei de skieding minder jild hat, de oare om't it in gewoante is. Se besparje op wetter en enerzjy. Ek prate we mei minsken op de bank, hoe sit it mei sparjen? Prinses op learzens besparret troch te dûsen yn de waskstrjitte.

Dizze Sadwaande giet oer de mobile telefoan, de GSM makket in flinke opmars. Net oeral wurdt it wurdearre dat je belje, bygelyks yn de bus, yn de les of ûnder in gearkomste. We sjogge by ferskate telefoanwinkels en it ynbouwen fan in carkit yn de auto. En kin de strieling fan hege mêsten kwea foar de minske?