Weromrop

Amateurtoaniel: Wille en pretinsjes (diel 2)

10 April 1994

We sjogge by it amateurtoaniel yn Fryslân. By it Boun Fryske Toanielselskippen binne sa'n 130 ferieningen oansletten. Faak wurdt in luchtich, humoristysk stik spile, mar it bûn is ek dwaande om de kwaliteit te ferheegjen en mear djipgong te krijen. We hearre regisseur Pyt van der Zee hjiroer, dramaturch Bouke Oldenhof, toanieladviseur en oprjochter fan de Jeugdteäterskoalle Hilde Mulder en BFT-foarsitter Geeske Frieswyk. Selskip Tesselschade út Hurdegaryp makket faak eigensinnige produksjes.

Lês mear oer Amateurtoaniel: Wille en pretinsjes (diel 2)

Amateurtoaniel: Wille en pretinsjes (diel 1)

03 April 1994

We sjogge by it amateurtoaniel yn Fryslân. Sa'n 130 selskippen binne lid fan it Boun Fryske Toanielselskippen (BFT), dy't yn it Frysk spylje. Faak wurdt inselde stik op meardere plakken opfierd. We sjogge by Harkjemar, fan De Harkema. Regisseur en spilers fertelle wêrom't se graach spylje. We sjogge by de repetysjes, achter de skermen en by de opfiering. Yn De Lawei wurdt ek repetearre mei it stik 'De fekke yn de fûke', nei Shakespeare, yn regy fan Thom van der Goot dy't deroer fertelt. Ek spilers Elske Roorda en Johan Thijsen fertelle oer har rol.

Lês mear oer Amateurtoaniel: Wille en pretinsjes (diel 1)

Jacob Slagter: tusken korps en Concertgebouw

13 Maart 1994

In portret fan hoarnist Jacob Slagter. Hy begûn op de bugel by it korps yn Kollum en is no earste hoarnist by it Concertgebouworkest yn Amsterdam. Hy fertelt wat muzyk foar him betsjut. We sjogge by de repetysjes en ek by de cd-opnamen fan Excelsior fan Feanwâldsterwâl dêr't er op meispilet. Elk is tige oer syn kwaliteiten te sprekken, ûnder oare dirigint Riccardo Chaily. Slagter dirigearret sels ek en jout les oan konservatoariumstudinten.

Lês mear oer Jacob Slagter: tusken korps en Concertgebouw

Das yn de natuer

13 Febrewaris 1994

Yn dit programma sjogge we dat de das útset wurdt yn de Fryske natuer yn de Tsjongerfallei, se libje yn boargen en dy kinne wol iuwenâld wêze. Om foar te kommen dat se deariden wurde, komme der ek dassetunnels. It Fryske Gea is dwaande om it gebiet by de Wielen, ûnder Ljouwert, om te wurkjen ta ien grut natuergebiet mei âlde biologyske wearden. Net elke boer is dêr like wiis mei dat boerelân omset wurdt ta natuerlân.

Lês mear oer Das yn de natuer

Trijelûk: weromsjen op Alvestêdetocht, fierljeppe en skûtsjesile

06 Febrewaris 1994

Yn dit trijelûk komme trije Fryske sporten oan de oarder: reedride, fierljeppe en skûtsjesile. We sjogge werom op de Alvestêdetocht fan 1933, by de nije tentoanstelling yn it reedrydmuseum yn Hylpen is in reüny fan riders. It wie in frij maklike tocht mei goed waar, en twa winners: Abe de Vries en Sipke Castelein. Se sjogge werom op dy tocht. Weromsjen dogge ek twa âld-fierljeppers dy't yn de 60-er jierren kampioen waarden: George Valkema en Roel Bokke Span. We sjogge bylden fan it ljeppen yn Winsum en de yntroduksje fan de aluminium pols troch Evert Wilstra.

Lês mear oer Trijelûk: weromsjen op Alvestêdetocht, fierljeppe en skûtsjesile

Selskip Tetman de Vries: De tiid hâldt gjin skoft (diel 2)

30 Jannewaris 1994

Programma oer it revu- en kabaretselskip Tetman de Vries. Tsjip, Anne en Tsjikke (broer en susters) en de dochters fan Tetman, Leny Dijkstra en Anneke de Vries, fertelle oer har oantinkens. Nei it sukses fan de foarstelling 'De tiid hâldt gjin skoft' (skreaun yn 1944) fierde it selskip nei de oarloch noch mear triomfen, ek bûten Fryslân by de Fryske kriten en mei Hollânske oersettingen. De earste foarstelling nei de befrijing wie spesjaal foar leden fan de Binnenlandse Strijdkrachten yn De Harmonie yn Ljouwert.

Lês mear oer Selskip Tetman de Vries: De tiid hâldt gjin skoft (diel 2)

Selskip Tetman de Vries: De tiid hâldt gjin skoft (diel 1)

23 Jannewaris 1994

Programma oer it revu- en kabaretselskip Tetman de Vries. Tsjip, Anne en Tsjikke (broer en susters) en de dochters fan Tetman, Leny Dijkstra en Anneke de Vries, fertelle oer har oantinkens. Tetman hie de foarstelling 'De tiid hâldt gjin skoft' skreaun, teksten en muzyk. It gie yn 1944 yn premjêre en is 1200 kear opfierd. En se ha ek foar de radio optreden. It selskip bestie út seis bern út ien muzikale húshâlding, 4 jonges en twa famkes. Yn de oarloch spilen se gewoan troch, mar eins moasten se lid wurde fan de Kulturkammer, mar dat ha se noait dien.

Lês mear oer Selskip Tetman de Vries: De tiid hâldt gjin skoft (diel 1)

Asylsikers

09 Jannewaris 1994

We sjogge by tal fan frijwilligers dy't helpe by de opfang fan asylsikers. Yn Ljouwert helpt Baukje Huizinga mei it tolken fan Joegoslavyske flechtlingen dy't opfongen wurde by Burmania. Se ken de taal om't se sels yn dat lân wenne hat. Se helpt by kontakt mei ferskate ynstânsjes. Yn Drachten helpe Henk en Irmgard mei de opfang fan Somaliërs, ûnder oare mei it learen om te fytsen. Lammy Jelsma helpt al jierren mei de opfang yn har gemeente Skarsterlân. Sa fertelt in man út Etiopië syn ferhaal oan in klasse mei bern.

Lês mear oer Asylsikers

Graldastate nei de brân

26 Desimber 1993

By in brân yn appartemintekompleks Graldastata yn Menaam, dêr't benammen âlderen wenje, binne trije minsken omkaam. We sjogge mei bewenners werom op de brân dy't in soad impact hie, guon koenen amper wat meinimme. Se moasten op syk nei oare wenromte en misse har meibewenners.

Lês mear oer Graldastate nei de brân

De Lankumer binnenband

12 Desimber 1993

Portret fan de Lankumer binnenband, de band fan bewenners fan Groot Lankum, it psychiatrysk sikehûs yn Frjentsjer. Under muzikale begelieding fan Sytse Broersma (letter fan De Kast) sjogge we by optredens fan de groep dy't sjongt en muzyk makket. Wille, eigenwearde jaan, oaren fermeitsje en ferbining binne de kearnwurden fan de groep. We sjogge by de cd-opname yn de studio en de offisjele presintaasje.

Lês mear oer De Lankumer binnenband

Friesch Dagblad: Wrakselje mei in ideaal

28 Novimber 1993

We sjogge by de kristlike krante it Friesch Dagblad dy't te krijen hat mei in weromrinnend abonneebestân (22.000), kin de krante selsstannich bliuwe? We sjogge op de redaksje, by de opmaak, printer, distribúsje en krantebesoarger. We geane op paad mei sjoernalist Ruurd Walinga. Meiwurkers komme oan it wurd oer de sinjatuer fan de krante, de identiteit. Mar ek mooglike feroaringen komme oan bod, moat it FD in moarnskrante wurde of gearwurking sykje mei de Leeuwarder Courant bygelyks?

Lês mear oer Friesch Dagblad: Wrakselje mei in ideaal

Wetter yn 'e macht

14 Novimber 1993

Mei it each op de kommende wetterskipsferkiezingen sjogge we wat it wetterskip docht en hoe't dat feroare is. Earder hienen de boeren it benammen foar it sizzen, no wurdt wetter mear fan alle ynwenners. Earder wienen mear as hûndert lytse wetterskipkes dwaande mei it soargjen foar drûge fuotten, no binne der alve boezemwetterskippen en sûnt koart ek it nij oprjochte Wetterskip Fryslân, mei taken as polderbehear, kearen fan seewetter en muskusrotbestriding. We sjogge ûnder oare by de wurking fan it Woudagemaal en de slûs by Lauwerseach dy't it wetterpeil beheare kinne.

Lês mear oer Wetter yn 'e macht

50 jier Omrop Fryslân

Aaisykje

Lanlike telefyzje

De Dyk Ut

Sa seach ik Fryslân

Weromrop.frl - útstjoerings

Sadwaande: Hurddrave

Trijelûk: weromsjen op Alvestêdetocht, fierljeppe en skûtsjesile

Wâldrinner Jaap Louwes

Sykje

Amateurtoaniel: Wille en pretinsjes (diel 2)

Amateurtoaniel: Wille en pretinsjes (diel 1)

Jacob Slagter: tusken korps en Concertgebouw

Das yn de natuer

Trijelûk: weromsjen op Alvestêdetocht, fierljeppe en skûtsjesile

Selskip Tetman de Vries: De tiid hâldt gjin skoft (diel 2)

Selskip Tetman de Vries: De tiid hâldt gjin skoft (diel 1)

Asylsikers

Graldastate nei de brân

De Lankumer binnenband

Friesch Dagblad: Wrakselje mei in ideaal

Wetter yn 'e macht

Pages

Kontakt Weromrop.frl

Oer Weromrop.frl

Lêste fideo