Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

Slachtemaratonsjoernaal

Slachtemaratonsjoernaal

10 Juny 2004

Yn it programma sjogge Simone Scheffer en Gerrit Hofstra by de finish yn Easterbierrum. Se prate mei dielnimmers en sjogge by de EHBO-post. Fierder reportaazjes fan de hiele dei mei kultuer ûnderweis, dûns, muzyk en Funny Walks, opstapplak Ljouwert dy't kuierders mei de bus nei Raerd brocht. Jelle Bangma fan de organisaasje die de oprop om net mear nei de finish te kommen om't it busferkear hielendal fêstrûn. De maraton waard, lykas fjouwer jier lyn, wûn troch Gerrit Kramer en Maaike Hornstra.

Sybe Satellyt 0607

Sybe Satellyt 0607

12 Maart 1996

Sybe Satellyt is in edukatyf berneprogramma fan skoaltelefyzje. Utfiner Sybe kin mei syn apparaten lykas de tiidmasine en skoop oer de hiele wrâld sjen. Hy sjocht by de Fûgelhelling yn Oerterp dêr't Douwe en Griet Miedema fûgels opfange en by
de Fûgelpits yn Eanjum mei Gaatske Wiersma. Fierder praat er mei Hindrik Sijens en Pieter Duijff fan de Fryske Akademy oer hoe't it Frysk wurdboek ta stân komt. En hy praat mei Marten Deinum dy't in museum mei skulpen, stiennen en guod út alle lannen sammelet.

Spegels: Keunstbende en jongereinfestival

Spegels: Keunstbende en jongereinfestival

01 Maaie 1998

Spegels is in kultureel programma dat tusken 1998 en 2006 op Omrop Fryslân telefyzje te sjen wie en presintearre wurdt troch Douwe Heeringa. Dizze útstjoering stiet yn teken fan jongerein mei de keunstbende fan 1998 yn Drachten en it Springtime festival fan en foar jongerein.