Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.
In kompilaasje fan de Befrijdingsfestivals yn Ljouwert yn 1994, 1995, 1996, 1997 en 1998; mei artysten as 2Unlimited, Marco Borsato, Trijntje Oosterhuis, en De Kast dy't op de Dam yn Amsterdam optreedt.
Reportaazjes út it programma Hjoed oer it festival Oerol 2001 op Skylge. 16/6: Skriuwer Jan Wolkers, bewenner fan Teksel, iepenet it festival mei gedichten oer eilannen. 18/6: Oeral is sawat in bedriuw wurden; it festival hat de maksimum kapasiteit berikt. 25/6: In ympresje fan de lêste Oerol-dei.
In bytsje mear fleurichheid yn it bedriuw FRAM kin gjin kwea, tocht bussjauffeur Broer Smedes. In pear dagen foar krysttiid 1995 ried dizze man ferklaaid as krystman yn de bus tusken Ljouwert en Drachten.
Yn 2005 wie de lanlike yntocht fan Sinteklaas yn Fryslân. Tsientûzenen minsken kamen nei Snits om Sinteklaas te sjen. De bern wiene wol senuweftich om’t it der even op like dat Sinteklaas net komme soe. Hy wie de wei kwyt…
Sinteklaas wie foar de 35e kear op besite by Sytse Rypstra en syn sus Mientsje yn Deinum. Mientsje fersoarget har ferstanlik beheinde broer en se fynt it geweldich dat sinteklaas de muoite docht om del te kommen.