Weromrop.frl - útstjoerings

Dizze Sadwaande giet oer smoken. We sjogge by in tabakssaak dêr't ek de lúksere sigaren ferkocht wurde en by it genoatskip fan sigaresmokers dy't oer de keunst fan it sigaar-smoken fertelle. Op hieltyd minder plakken mei minsken smoke. Op it gemeentehûs en yn it sikehûs yn Snits binne aparte smookromtes. In foarljochtingsfilm wiist op de gefaren fan smoken en de longarts fertelt dêr ek oer.

Dizze Sadwaande giet oer begrave en alles wat dêrby komt. We sjogge op it begraafplak yn Warkum en yn Garyp. Magda Hengst fertelt oer de net-tradisjonele begraffenis dy't se foar har man Arie Buijs organisearre. We hearre wat oer kloklieden, sjogge by in kistemakker en stienhouwerij en leare wat oer it deadshimd en de betsjutting fan de kreakeling.

Dizze Sadwaande giet oer callcenters. Dizze nije bedriuwen dy't telefoanysk ynformaasje jouwe, ha net oeral in goede namme. Yn Ljouwert binne in soad kantoaren, lykas FBTO en Postbank dêr't ek callcenters binne. De meiwurkers dêr helpe minsken en belje net mei agressyf ferkeappraat. It bedriuw Quality View op It Hearrenfean jout advys. Ingrid sil ek oan de telefoan, hoe fergiet it har? En wat fynt it fakbûn fan dit wurk?

Dizze Sadwaande giet oer recycling. We sjogge by de famylje Wijmenga yn Ljouwert dy't fjouwer dochters ha. Se drage de klean fan elkoar en skiede it ôffal. We sjogge ek by de VAM yn Wijster dêr't de smoargens fan húshâldingen hinne giet en ferwurke wurdt. En we sjogge op de rommelmerk op De Westereen dêr't wol hannel is yn in grut ferskaat oan twaddehânsk guod.

Dizze Sadwaande giet oer swier wurk, lichaamlik en geastlik. We sjogge by it wurk fan Rendac, it stjonkfabryk dat kadavers ferwurket, by de jiskeman yn Drachten en by it mortuarium yn it MCL. Ingrid praat mei in ARBO-bedriuwsdokter.