Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

Wâldrock 1996 (2)

01 July 1996

Wâldrock 1996 wie in grut sukses. Neffens de organisaasje gienen der sneon hast 10.000 minsken troch de poarten fan it festivalterrein by Burgum. De Fryske, Nederlânske mar ek in protte Dútske leafhawwers fan heavy metal kamen op it programma ôf dat de organisaasje fan de njoggende edysje fan Wâldrock gearstald hie. By de kassa waard strang kontrolearre op ferbean wapenbesit. Al gau gie it programma los. Wa't it skodholjen, headbangen en sjongen wat te folle waard koe op de kamping njonken it festivalterrein wat bekomme. Jûns wie it hichtepunt fan it festival mei topacts lykas Slayer.

Lês mear oer Wâldrock 1996 (2)

‘It giet oan!’

02 Jannewaris 1997

De fyftjinde 'Tocht der Tochten' sil op fjouwer jannewaris 1997 plak fine, dat fertelde Henk Kroes, foarsitter fan de Alvestêdeferiening yn in parsekonferinsje. Yn dizze útstjoering fan Hjoed wurde ferskate aspekten fan de tariedings op de Alvestêdetocht besprutsen: de knipepunten by Snits en Harns, de favorite wedstrydriders, de grutte minskemassa dy’t ferwachte wurdt, en in portret fan in man dy’t de tocht sil ride mei trije hakken.

Lês mear oer ‘It giet oan!’

Hjoed: Dominomosk oerdroegen oan Natuurmuseum Rotterdam

15 Desimber 2005

Der is hjoed wer in haadstuk taheakke oan de soap om de dominomosk hinne. Yn in fakânsjehûs yn Makkingea is hjoed de oerdracht fan de mosk oan it natuermuseum Rotterdam. De bûtengewoan opspoaringsamtner fan de provinsje hat de dominomosk wikenlang yn 'e kuolkast lizzen hân. Hy hat it bistje fuortendalik nei it deadlike gewearskot ophelle by de skutter út Lelystêd. Dêrnei woe eltsenien de mosk wol hawwe. It natuermuseum Rotterdam kaam as winner út de bus. Se binne sa bliid as in protter, eh mosk.

Lês mear oer Hjoed: Dominomosk oerdroegen oan Natuurmuseum Rotterdam

Hjoed: Loftmachtdagen 1998

03 July 1998

Op de Ljouwerter fleanbasis sjogge we by de lêste tariedingen op de dei foar de iepen dei. De fleantugen repetearje de shows en bewenners fan omlizzende doarpen en famyljeleden fan militêren meie komme om te sjen.

Lês mear oer Hjoed: Loftmachtdagen 1998

Hjoed: Iepen dei fleanbasis 1994

04 July 1994

Yn 1994 kaam in rekôrtal fan 150.000 besikers op de iepen dei fan de fleanbasis yn Ljouwert ôf. De demonstraasje fan in Frânsk team makke in soad yndruk troch kleurde read-wyt-blauwe reek te brûken yn har fleanshow. Ek wienen de nije frachtfleantugen Hercules te besjen en de Apache helikopters. Famylje koe fia satellyt belje mei útstjoerde militêren yn Bosnië.

Lês mear oer Hjoed: Iepen dei fleanbasis 1994

Hjoed: Loftmachtdagen 2001

06 July 2001

Yn 2001 hâlde de fleanbasis Ljouwert iepen dagen. Op de earste dei, 6 july, kamen der goed 90.000 besikers op ôf. Kommandant J. Willemse wie tefreden en omwenners en fleantúchspotters seagen har de eagen út.De fleanshow wie in spektakel.

Lês mear oer Hjoed: Loftmachtdagen 2001

Hjoed 8 july 2000, útstjoering 19.00 oere

08 July 2000

In wiidweidich ferslach fan de earste Slachtemaraton op 8 july 2000, ûnderdiel fan Simmer 2000, mei moaie bylden fan de tocht en petearen mei dielnimmers. De tocht begûn by Easterbierrum by de seedyk en einige yn Raerd. Underweis wie it ien grut folksfeest mei korpsen lâns de rûte. Ek spile Harm Wiersma damjen op in grut damboerd mei keunstkij. Goed 8.000 kuierders rûnen mei. Simone Scheffer prate mei Simmer 2000-foarsitter Henk Kroes. Tal minsken moasten nei ôfrin opfongen wurde om't se duzelich wienen fanwegen te min iten en drinken. Gerrit Kramer fan Boalsert wûn de maraton.

Lês mear oer Hjoed 8 july 2000, útstjoering 19.00 oere

Fytsalvestêdetocht 2002

18 Maaie 2002

Der wurdt yn Boalsert drok wurke oan de tariedings foar de Fytsalvestêdetocht fan 2002. Hjoed is de mini-alvestêdetocht oer 40 kilometer.

Lês mear oer Fytsalvestêdetocht 2002

Fytsalvestêdetocht 2005

16 Maaie 2005

Tradisjoneel ride tûzenen fytsers op Pinkstermoandei de Fytsalvestêdetocht. De edysje fan 2005.

Lês mear oer Fytsalvestêdetocht 2005

Fytsalvestêdetocht 2004

31 Maaie 2004

Tradisjoneel ride tûzenen fytsers op Pinkstermoandei de Fytsalvestêdetocht. Ek by de edysje fan 2004 wie der wer in soad publyk oan de kant fan de dyk om de fytsers oan te moedigjen. Dit jier warskôge de organisaasje foar it tanommen tal ferkearsdrompels dêr't de fytsers goed om tinke moatte.

Lês mear oer Fytsalvestêdetocht 2004

Fytsalvestêdetocht 2003

09 Juny 2003

Tradisjoneel ride tûzenen fytsers op Pinkstermoandei de Fytsalvestêdetocht. Oan de edysje fan 2003 dienen meiwurkers fan in Ljouwerter apoteek mei dy't jild ynsammelen foar in fakânsjehûs foar sike bern. En der ried in achterútfytstandem mei.

Lês mear oer Fytsalvestêdetocht 2003

Fytsalvestêdetocht 2001

04 Juny 2001

Tradisjoneel ride tûzenen fytsers op Pinkstermoandei de Fytsalvestêdetocht. De edysje fan 2001 gie net troch fanwege de tongblierkrisis. Mar dochs fytse in tal minsken de tocht op eigen manneboet.