Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

LTV_SIMMER_YN_JORWERT_120195_WR

Simmer yn Jorwert

12 Jannewaris 1995

We sjogge by de tariedingen, repetysjes en úteinlik de útfiering fan it iepenloftspul fan Jorwert, yn de notaristún. Midsimmernacht's dream wurdt spile. Kostúmûntwerper Ykje Hibma, dekôrûntwerper Beb Mulder, regisseur Romke Toering en kostúmútfierder Gerry Smids fertelle hoe't se te wurk gean. Ek Gais Meinsma fertelt oer har wurk, se is al jierren ferantwurdlik foar de omballingen.

LTV_DE_SJONGENDE_STRAFPLEITERS

De sjongende strafpleiters

08 Jannewaris 1995

In portret fan de eigensinnige twillingbruorren Hans en Wim Anker, fan Akkrum. Se binne beide advokaat en binne lanlik bekend troch ûnder oare de ferdigening fan Ferdi E. Se prate oer har wurk en prinsipes, sa as dat se elke fertochte bystean wolle. We sjogge se oan it wurk yn de rjochtbank, yn petear mei kliïnten, mar ek by it útoefenjen fan de hobby's lykas sjonge yn de kroech, slingeraap en sealfuotbal. Se binne altyd ûnderweis, is it net nei in kliïnt dêr't se faak ek nei de útspraak kontakt mei hâlde, dan wol nei in lêzing organisearre troch de Vrouwenbond.

Wyn op Woansdei: Kreakstêd Ljouwert

Wyn op Woansdei: Kreakstêd Ljouwert

17 Maart 2004

Programmamakker Annet Huisman dûkt yn de wrâld fan de kreakers yn Ljouwert. Yn noch gjin jier tiid binne 15 pannen kreake. De measte gebouwen binne ek al wer ûntromme. Op dit stuit wurde noch sa'n 5 lokaasjes bewenne. Wa binne de kreakers en wêr steane sy foar? Annet Huisman sjocht by 'Steinoort' oan it Suderplein en 'De School', it eardere Centrum voor Vakopleiding oan de Ampèrestrjitte.