Sykje

Programma oer fleksibele arbeid, hieltyd mear minsken wurkje op freelance-basis. We sjogge in fotosjoernalist oan it wurk en in boatebouwer dy't goed buorkje. Der binne ek neideilen, sa as we sjogge by ien dy't gjin fêst kontrakt krijt en hieltyd mar wer sollisitearje moat. Ek krije flekswurkers minder betelle.

Hoe is it reedrider Hilbert van der Duim, fuotballer Oeki Hoekema en turnster Jannie Vierstra nei har sportkarriêre fergien? Hilbert van der Duim is learaar ekonomy yn Assen en riedslid, Oeki Hoekema hat in eigen snackbar yn Ljouwert en is ymporteur fan Noarske huzen en Jannie Vierstra hat in moadesaak.

Ut de terpen fan Fryslân binne tal fan archeologyske fynsten dien en ek no wurdt noch ûndersyk dien. It giet om foarwerpen út de iere midsiuwen. Ferneamd binne de fynsten fan Winaam, lykas de fibula. Alles wat dêr fûn is, wurdt besjoen yn it Biologisch Archeologisch Instituut yn Grins. Ek sjogge we by archeologen yn it fjild en by meiwurkers fan stichting Raap, dy't besjocht hoe't archeologyske terreinen better beskerme wurde kinne. Tal fan frijwilligers sitte by it Archeologysk Wurkferbân, se binne nedich foar al it wurk.

Sir Lawrence Alma-Tadema (1836-1912) waard berne as Lourens Alma Tadema yn Dronryp. By de tarieding foar de oersjochtentoanstelling yn it Van Goghmuseum yn Amsterdam sjogge we by syn wurken dy't foar de ekspoysje oer de hiele wrâld byinoar garre binne. Saakkundigen fertelle oer syn wurk en libben. Nei syn dea waard syn wurk ôfdien as koektrommelkitsch, mar yn de jierren sechtich kaam de wurdearring werom. Yn Londen wie er in ferneamd keunstner en liet in grut hûs bouwe. Byldhouwer Ben van der Geest makket in byld dat yn Dronryp komme moat.

We sjogge yn Berltsum, in doarp mei trije tsjerken en twa diskoteken. Alle sneontejûnen komme der sa'n 2.000 jongeren nei diskoteek Hof van Holland. Twa stappers komme oan it wurd, de meiwurkers en ek de plysje dy't wolris optrede moat. In part fan de jeugd giet net nei de disko mar nei de bibeljûn fan tsjerke, ek dy komme oan it wurd.