Weromrop.frl - útstjoerings

We sjogge achter de skermen by it wurk fan kommissaris fan de Keninginne Loek Hermans, deputearre Mony Brandsma-Ydema (CDA) en boade Pé Visser. Se fertelle oer har wurk en we sjogge ûnder oare by gearkomsten fan de Steaten yn it provinsjehûs.

Portret fan it doarp Poppenwier en syn 180 ynwenners. Bysûnder is dat it doarp de tsjerke behâlden kinnen hat, mei in spesjaal oerwurk. Der is ek noch in ferskûle menistetsjerke. It doarp ken in eigen fariant fan kuorbal en hat sels in doarpshûs boud foar de jeugd en de ferieningen. De doarpshistoarikus fertelt oer eardere tiden. Der binne gjin winkels,de SRV-wein komt yn it doarp.

Portret fan it doarp Westergeast en syn ynwenners. We sjogge Johannes Boersma dy't tal fan gebouwen út it doarp tekene hat en koster Harm Bergsma fertelt oer de tsjerke. Yn it doarp is in doarpshûs, Fokkema's Pleats, der binne twa campings, in galery, in jachtbouwer, in jachthaven en in ljeskâns. In skoalle is der net, bern geane nei De Trieme. Tal fan ynwenners komme oan it wurd en fertelle oer har hobbys. We sjogge û.o. by de samling fan opsette bisten en poppen.

Yn dit programma besjogge we it doarp Easternijtsjerk en alles wat derby heart oan de hân fan learlingen dy't allerhanne minsken besykje en fragen stelle. Sa komme we mear te witten oer de skiednis fan de tsjerke, sjogge we by in bijehâlder, garaazjebedriuw en arsjitekt Gunnar Daan. Ek de stands op de Expo, de feesttinte, fuotbal, skoalle, it nijbouplan en de leeljekweker komme foarby.

Petear tusken (ôfgeand) deputearre Frans Steijvers (PvdA) en steatelid (GrienLinks) en skriuwer Willem Verf oer de Fryske ekonomy. Se prate ûnder oare oer yndustryterreinen, kapitalistyske ekonomy en wurkgelegenheid.