Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

LTV_MELKERTBANEN_FR_190103_WR_1

De wearde fan wurk

19 Jannewaris 2003

We sjogge by it serviceteam súd fan de gemeente Ljouwert. De wurknimmers dogge allerhanne wurksumheden yn de iepenbiere romte, se rêde 'grof vuil' op en struie. De minsken wurkje mei behâld fan útkearing yn saneamde Melkertbanen, mar dy foarsjenning stiet faai. Guon wurknimmers fertelle oer har persoanlike sitewaasje.
LTV_FAKANSJEHUS_DE_TERRORIST

Fakânsjehûs De Terrorist op It Amelân

02 Maaie 1999

Op inisjatyf fan âld-fersetsminsken waarden yn 1946 âlde barakken, boud troch de Dútsers, op It Amelân omboud ta fakânsjehûs De Terrorist, in geuzenamme. It hûs wie bedoeld foar froulju en bern dêr't de man/heit fan omkaam wie yn de Twadde Wrâldoarloch. Earst inkeld út Fryslân, letter út it hiele lân. Trije widdofroulju en har bern fertelle oer har tiid dêr, en ek Angeniet Rijkeboer-Kuipes, 'tante Truus', komt oan it wurd. Se wie de direktrise. De froulju en har bern moetsje inoar op It Amelân en helje oantinkens op.
Wâldrock 2000

Wâldrock 2000

01 July 2000

It Wâldrockfestival yn Burgum luts sa'n 8.000 minsken. Wâldrock hoecht wat de organisaasje oanbelanget ek net in massaal festival te wurden. Dêrmei hopet de organisaasje ûngelokken sa as op it Roskildefestival yn Denemarken ek foar te kommen. Lykas alle jierren mei ek dit jier in Fryske band it festival iepenje. Dit jier is dat de groep Artvist út Drachten. In groep dy't rap-metal mei wat hard-core der troch hinne spilet. Bot ferneamd binne se noch net, mar it sjocht der goed foar harren út.