Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

LTV_ARSJITEKTUER_2

Arsjitektuer: praatprogramma (diel 2)

18 Juny 1995

U.l.f. Geart de Vries prate trije minsken oer it grut tal oan it wetter boude rekreaasjewenten en bungalowparken yn Fryslân, lykas yn Earnewâld, Galamadammen en Eastmahorn. It binne Ypke Gietema, arsjitekt Sjoerd Ybema en bouwer Marcel Coltof.
LTV_DE_TIID_HALDT_GJIN_SKOFT_2B.mxf

Selskip Tetman de Vries: De tiid hâldt gjin skoft (diel 2)

30 Jannewaris 1994

Programma oer it revu- en kabaretselskip Tetman de Vries. Tsjip, Anne en Tsjikke (broer en susters) en de dochters fan Tetman, Leny Dijkstra en Anneke de Vries, fertelle oer har oantinkens. Nei it sukses fan de foarstelling 'De tiid hâldt gjin skoft' (skreaun yn 1944) fierde it selskip nei de oarloch noch mear triomfen, ek bûten Fryslân by de Fryske kriten en mei Hollânske oersettingen. De earste foarstelling nei de befrijing wie spesjaal foar leden fan de Binnenlandse Strijdkrachten yn De Harmonie yn Ljouwert.
Wyn op Woansdei: Rap en Diss

Wyn op Woansdei: Rap en Diss

08 Desimber 2004

De 'diss' is al jierren in begryp yn de hiphop- en rapkultuer. Grof taalgebrûk en ôfgryslike ferwinskingen skokken betiden de publyke opiny. Wyn op Woansdei dûkt yn de Fryske hiphopwrâld. De 'battle', dêr't rappers mei hurde teksten elkoars krêften yn mjitte, is al sa âld as de hiphop sels en ûntstie yn de jierren '70 yn New York.