Weromrop.frl - útstjoerings

Tradisjoneel ride tûzenen fytsers op Pinkstermoandei de Fytsalvestêdetocht. De edysje fan 1996.

In heal kratsje bier de man. Neffens de lanlike Stichting Alcoholpreventie, koartsein STAP, is dit it gemiddelde alkoholgebrûk fan jongeren yn eigen keten en caravans. 'Skrikbarend' fynt de STAP. Yn Fryslân binne inkelde hûnderten caravans dêr't jongeren byinoar komme en sûnder tafersjoch oan it bier sitte. Dat it ek oars kin bewiist in groepke jongeren yn Driezum. Dêr lette de âlderen op it drinkgedrach fan 'e jongeren.

In folslein útferkocht Aaipop is fan 'e middei foar de 15e kear yn Nijlân úteinsetten. It tredde lustrum hie eins ferline jier wêze moatten, mar doe koe it fanwege de tongblier net trochgean. Benammen foar doarpshûs De Mande betsjutte dat grutte finansjele konsekwinsjes. De fraach wie hjoed dan ek oft it tal besikers it ferlerne jier 2001 wer goed meitsje koe.

Mear as twatûzen jongeren hawwe juster op Aaipop west. Dat binne wer in pear hûndert mear as ferline jier. De organisaasje fan dit grutte peaskepopfestival yn Nijlân neamt de achtste edysje in sukses.

Popgroepen dy´t optreden hawwe by it jierlykse peaskepopfestival Aaipop yn Nijlân hawwe krityk op de organisaasje. De bands fine dat de stifting Aaipop te min jild op it kleed leit foar de optredens. Benammen Foppe Land fan de band Klinkhamer fynt dat de organisaasje te lege honoraria jout. De stifting Aaipop fynt de krityk net terjochte.