Sykje

It Fryske lesprogramma "Nij yn Fryslân" is gearstald troch de Afûk en makke yn gearwurking mei Omrop Fryslân Televyzje. De lessen binne bedoeld foar minsken dy't nij yn Fryslân komme en de taal net kenne. Yn de studio ien fan de inisjatyfnimmers, Koen Eekma. En de Fryske reedriders Falko Zandstra, Ids Postma en Rintje Ritsma traine dizze wike foar it earst wer op it iis fan Thialf, ûnder lieding fan de nije coach Wopke de Vegt.

Ferslachjouwer Simone Scheffer en kamerafrou Yvonne Douma binne noch op de Lauwersmar. Mei Jeroen Bouma besjocht Simone de natuer op ien fan de eilantsjes yn de mar. Ek praat se mei leafhawwer Henk Schaafsma dy't net folle ha moat fan de nije toeristyske ûntwikkelingen. En se moetet D. van der Schoot. Dizze 78-jierrige man fart 4 moannen yn it jier op syn tsjalk en lit dan syn frou thús. Oan de ein moat ien sa rap mooglik in pealstek (knoop) lizze.

Ferslachjouwer Simone Scheffer en kamerafrou Yvonne Douma farre mei de trekskûte nei Dokkumer Nije Silen oer de Strobosser Feart. Underweis fertelt gids Max Posthuma oer de slûs fan Dokkumer Nije Silen. Dêr praat Simone mei wat toeristen, in fisker en mei de patatboer dy't dêr al 19 jier mei syn wein stiet. Oan de ein moat ien sa rap mooglik in pealstek (knoop) lizze.

Ferslachjouwer Afke Meekma en kameraman Dirk Hofstede farre op de Leyen by Eastermar mei de motorboat fan K. Land. Underweis fertelt er oer wat se tsjinkomme yn de natuer. Oan de ein moat ien sa rap mooglik in pealstek (knoop) lizze.

Ferslachjouwer Afke Meekma en kameraman Dirk Hofstede binne op de Burgumermar. Se farre mei Jikke en Sjirk Wittermans mei. Jikke is berne by de mar en swom der as bern al. Sjirk hat syn libben lang al fearn. Afke fertelt oer Hendrik Bulthuis de kapper fan Burgum dy't mei syn ûntwerp fan de 16 Kwadraat in boat betocht foar de gewoane man, de BM-er, neamd nei de Burgumermar. Oan de ein moat ien sa rap mooglik in pealstek (knoop) lizze.