Weromrop

Lânskipsbyldhouwer: portret fan Ids Willemsma

07 Novimber 1993

In portret fan byldzjend keunstner Ids Willemsma. We folgje him by it ta stân kommen fan it keunstwurk op de Marrumer seedyk, fan ûntwerp en skaalmodel oant de levering fan it materiaal en it te plaksetten troch in grutte kraan. It wurk, dat letter bekend waard as it timpeltsje fan Ids, is yn opdracht fan Wetterskip Fryslân makke, as ôfsluting fan de dykferswierring. Foar Ids is it in hommaazje oan de dikebouwer. We sjogge him oan it wurk yn de loads yn Hallum, by de einen, lústerjend nei klassike muzyk yn syn selsmakke deadskiste, en oan it skeelerjen.

Lês mear oer Lânskipsbyldhouwer: portret fan Ids Willemsma

Sjoerd de Vries: It lânskip fan de geast

31 Oktober 1993

Portret fan byldzjend keunstner Sjoerde de Vries. Alle dagen reizget er mei de trein fan Ljouwert nei It Hearrenfean dêr't er yn in flat syn atelier hat. Hy makket lânskippen en portretten en fertelt oer syn ynspiraasjeboarnen. We sjogge him ek oan it wurk en hy jout ek les.

Lês mear oer Sjoerd de Vries: It lânskip fan de geast

Blaugers of Ingelsk Raai

17 Oktober 1993

Yn dit programma komme twa tsjinstelde belangen oan de oarder: de boer tsjin de biolooch, oftewol de lânbou tsjin de natuer. Oanlieding is it plan de blauwe sône by de Alde Feanen, om fan lânbougrûn natuer te meitsjen. We hearre boer Klaas de Groot en Ultsje Hosper fan It Fryske Gea. Dy feriening hat besocht de bou fan 300 bungalows op rekreaasjepark It Wiid by Earnewâld tsjin te hâlden.

Lês mear oer Blaugers of Ingelsk Raai

De grins ferlein

10 Oktober 1993

Yn dit programma sjogge we werom op de rebûlje dy't der wie foar de ferheging fan de besteande dyk tusken Holwert en Swarte Haan. Oanlieding wie it deltaplan dat betocht is nei de wettersneedramp yn 1953, dêr sjogge we ek argyfbylden fan.Dêr is 17 jier oer diskusjearre, de belangen fan natuer en lânbou botsten. Ek sjogge we argyfbylden fan de kwestje Surch, doe't yn 1976 by stoarm en heech wetter gatten yn de dyk slein wienen en bewenners har ûnfeilich fielden.

Lês mear oer De grins ferlein

Prieslan Ada, ferhalen oer in fergetten leger

26 Septimber 1993

Trije âld-Ynjegongers fertelle oer de jierren dat se nei Ynje moasten, bedoeld om rjocht en feilichheid werom te bringen foar de bewenners, mar eins wisten de jonge jonges net rjocht wat der spile. Se ha der nei de tiid net mear oer praat. Klaas de Vries, âld-pelotonskommandant, Theunis de Vries, mariniersbrigade en Klaas Swart, hospitaalsoldaat, fertelle no oer wat se meimakke hawwe. Der binne argyfbylden en in foarljochtingsfilm te sjen en ek twa Ynjewegerers komme oan it wurd. Yn it Ljouwerter Rengerspark komt in monumint om alle 170 omkommen Friezen te betinken.

Lês mear oer Prieslan Ada, ferhalen oer in fergetten leger

Vrouwen van de Fundatie

19 Septimber 1993

Een portret van de vijf bewoonsters van het huis van de Van Teyens Fundatie in Beetsterzwaag, voor alleenstaande oudere vrouwen. Uit een testament is nagelaten dat voor vrouwen gezorgd wordt als ze geen inkomen hebben, zelfs een vrij graf op de begraafplaats. Twee keer per jaar komt het bestuur bij elkaar.

Lês mear oer Vrouwen van de Fundatie

Fiskje op it Waad

12 Septimber 1993

We sjogge oan board fan Wiepie en Binne Toering, se farre mei in garnalekotter op it Waad by Harns. Hy fertelt oer it wurk, we sjogge ek by de ôfslach yn Harns. Syn heit, Willem, wie ek al fisker. Alle jierren sjocht de famylje by it skûtsjesilen op De Lemmer.

Lês mear oer Fiskje op it Waad

In skip mei karakter

05 Septimber 1993

Yn dit programma sjogge we trije âlde skipstypen foarbykommen: sleepboat, pream en beurtskip. Kees en Cock Duijvesteijn komme fan it Westland en wenje no oardel jier oan it PM-kanaal by Warten. Se kochten sleepboat HZ8, se binne der wiis mei fanwege it robúste karakter. Op de nasjonale sleepboatdagen yn Amsterdam treffe se oaren mei ek in sleepboat, net in boat is gelyk. It skip is boud yn 1929 en die oant 1978 tsjinst. Sjerp de Vries fan Terherne hat in pream, dat is eins in boereskip. We sjogge tal fan preammen by de Langwarder Wielen, ek byldzjend keunstner Ids Willemsma hat in pream.

Lês mear oer In skip mei karakter

Sa seach ik Fryslân 9: Jonne Severijn

19 Juny 1994

Rige programma's dêr't Geart de Vries mei Fryske filmmakkers praat en hoe't sy Fryslân sjogge. Yn diel njoggen Jonne Severijn. Hy makke portretten fan keunstners en skriuwers foar it programma Beeldspraak fan de NOS. We sjogge fragminten fan 'Rob Nieuwenhuis en de schim van Piet Paaltjens' oer de dûmny/dichter Francois Haverschmidt (1976) en 'Jopie Huisman, hetgeen niet is kan niet geteld worden' oer de skilder (1979). Ek makke er in searje oer de feanterij 'Bruin Goud'. We sjogge by de opnamen dêrfan.

Lês mear oer Sa seach ik Fryslân 9: Jonne Severijn

Sa seach ik Fryslân 8: Boud Smit

29 Maaie 1994

Rige programma's dêr't Geart de Vries mei Fryske filmmakkers praat en hoe't sy Fryslân sjogge. Yn diel acht Boud Smit. Hy makke films mei Fryslân as dekôr en as ûnderwerp. Hy kaam mei it Frysk yn de kunde nei it lêzen fan ''De smearlappen' fan Anne Wadman en hie it idee om dat boek te ferfilmjen, mar dat is der net fan kaam. We sjogge fragminten fan syn films, lykas de koarte film 'Eltse dei opnij' (1970) dy't er makke om de molkestaking yn de Twadde Wrâldoarloch te betinken.

Lês mear oer Sa seach ik Fryslân 8: Boud Smit

Sa seach ik Fryslân 7: Klaas Rusticus

22 Maaie 1994

Rige programma's dêr't Geart de Vries mei Fryske filmmakkers praat en hoe't sy Fryslân sjogge. Yn diel sân Klaas Rusticus. Hy makke teäter en muzyk foar jeugd en makke syn telefyzjedebút by Swiebertje yn 1969. Foar de NCRV makke er it jeugdprogramma Orimoa yn 1974. Ek regisearre er de film Boete dwaen nei in ferhaal fan Teatske Alzum (1978), dy Fryske film wie op lanlike telefyzje te sjen, in primeur. We sjogge ek in fragmint út de film 'Want alleen kan ik niet gaan' (1979) en in muzykregistraasje út 1990. Rusticus wurket no benammen yn Dútslân.

Lês mear oer Sa seach ik Fryslân 7: Klaas Rusticus

Sa seach ik Fryslân 6: Henk Penninga en Ernie Damen

27 Juny 1993

Rige programma's dêr't Geart de Vries mei Fryske filmmakkers praat en hoe't sy Fryslân sjogge. Yn diel seis Henk Penninga en Ernie Damen, se wurken tusken 1975 en 1983 gear en makken filmyske dokumintêres. We sjogge de earste film fan Damen út 1972 oer pastoar Simon P. Glotzbach, mar dy is noait fertoand om't er ferbean waard. Se makken ek in dokumintêre oer de oanrin nei de yndustryhaven yn Harns (1979) en 'Salomo's eerste rechtspraak' (út 1978) oer it keunstwurk fan Jan Elzinga yn Frjentsjer.

Lês mear oer Sa seach ik Fryslân 6: Henk Penninga en Ernie Damen

50 jier Omrop Fryslân

Aaisykje

Lanlike telefyzje

De Dyk Ut

Sa seach ik Fryslân

Weromrop.frl - útstjoerings

Selskip Tetman de Vries: De tiid hâldt gjin skoft (diel 1)

Sadwaande: Nijbou, de oanlis fan Zuiderburen

Trijelûk: weromsjen op Alvestêdetocht, fierljeppe en skûtsjesile

Sykje