Weromrop

It Halbertsmafabryk yn Grou

01 Maart 1992

De skiednis fan it houtsjefabryk yn Grou stiet sintraal, it Halbertsmafabryk is in begryp yn it doarp. De fjirde broer fan de ferneamde bruorren Halbertsma (Joast, Eeltsje en Tsjalling) Binnert Hidde rjochte it fabryk op yn 1891. It bestiet noch altyd, en makket no pallets en doarren. Ald-boargemaster Kees Vrijling giet yn op de skiednis en trije âld-meiwurkers sjogge werom. Halbertsma wie ek sosjaal-maatskiplik belutsen. Nei de oarloch wie it fabryk sels in foarbyld foar de Wederopbouw. Der wienen ek djiptepunten; yn 1960 baarnde de houtwerf ôf.

Lês mear oer It Halbertsmafabryk yn Grou

Ruiter redensfabryk yn Akkrum

23 Febrewaris 1992

Yn dit programma komt de skiednis fan it redensfabryk Ruiter yn Akkrum oan de oarder. Gauke Bootsma fan it Eerste Friese Schaatsmuseum fertelt oer it grutte tal typen reed dat Fryslân hân hat, elke doarpssmid makke syn eigen type. Yn de rin fan de njoggentjinde iuw kamen der fabrykjes, wêrûnder Ruiter yn Akkrum dy't ien fan de earsten wie. Neibesteanden fan de oprjochter ha de skiednis útsocht, yn 1919 bestelde it keninklik hûs in pear reden foar prinses Juliana. It fabryk makke in soad reklame en wûn ta fan prizen. De Alvestêdewinner fan 1929 ried op Ruiter-redens.

Lês mear oer Ruiter redensfabryk yn Akkrum

LTV_FRYSLAN_LYTS_KEATSER_JOHANNES_BRANDSMA_WEROMROP

Fryslân is te lyts 3: de keatser

29 Novimber 1992

In portret fan keatser Johannes Brandsma fan Seisbierrum. De lêste jierren fan syn suksesfolle karriêre spilet er yn België, yn Bassilly, de Belgyske fariant jeu-de-pelote. It Boergondyske libben en lossere manier fan spyljen leit him wol. Ek sjogge we op de PC, de keatswedstriid yn Frjentsjer. Ald-keatsers en publyk mochten wol oer syn eigensinnichheid. Hy hat wol de PC wûn, mar is noait útroppen ta kening. Neist syn sporten wurket er ek op kantoar yn Harns as fersekeringsman.

Lês mear oer Fryslân is te lyts 3: de keatser

LTV_FRYSLAN_LYTS_FOLLYBALLER_JAN_POSTHUMA_WEROMROP

Fryslân is te lyts 2: de follyballer

01 Desimber 1991

In portret fan de Fryske follyballers Jan Posthuma (fan Dokkum) en Ronald Zoodsma (fan Snits) yn it noarden fan Italië. Dêr spylje se by Gambeca. Follybal is in hiele populêre sport en beide mannen kinne dêr fan har sport libje. We sjogge in wedstriid, by har thús, by de trening en de fysio. It is in hurde wrâld. Olaf van der Meulen, ek fan Snits, moast nei in pear moannen werom nei't er him mei maachklachten net folslein jaan koe.

Lês mear oer Fryslân is te lyts 2: de follyballer

LTV_FRYSLAN_LYTS_OPERASJONGER_HENK_SMIT_WEROMROP

Fryslân is te lyts 1: de operasjonger

24 Novimber 1991

In portret fan Henk Smit, de meast frege en suksesfolste operasjonger fan Nederlân, hy sjongt yn tal fan produksjes yn binnen-en bûtenlân. Hy is berne yn Surhústerfean yn in muzikaal fermidden. Yn 1951, hy wie 19 jier, emigrearre de famylje nei Kanada en dêr begûn er mei sjongen. No wennet er yn Amsterdam. We folgje him by de repetysjes foar Aïda, by de kap en grime en sjogge in stik fan de útfiering.

Lês mear oer Fryslân is te lyts 1: de operasjonger

Boer op in kearpunt: de bouboer

13 Oktober 1991

Yn twa dielen sjogge we by boeren dy't op in kearpunt steane. Yn dizze ôflevering stiet de bouboer sintraal. We sjogge by de famylje Siderius oan de Nije Biltdyk. Neist de jirpels en sipels kweke se no ek roazeplanten. Boubouren ha it dreech troch de legere prizen en de EEG-polityk. De ûnrêst soarge sels foar protesten dat boeren mei trekkers op it Binnenhof yn Den Haag stienen. Earder die heit alles mei de hân mar troch de meganisaasje kin de soan no alles allinne mei de masine dwaan. Hy sjocht ek by de Proefboerderij Kollumerwaard dêr't se nije rassen kweke.

Lês mear oer Boer op in kearpunt: de bouboer

Boer op in kearpunt: de greidboer

06 Oktober 1991

Yn twa dielen sjogge we by boeren dy't op in kearpunt steane. Yn dizze ôflevering stiet de greidboer sintraal. It tal greidboeren rint werom, troch allerhanne regels lykas superheffing en hegere kosten. We sjogge op de pleats fan de famylje Van der Meulen yn Eastermar. Hy melkt kij en wurket hieltyd mear mei de kompjûter, dy hâldt de opbringst by en berekkenet hoefolle krêftfoer oft byfuorre wurde moat. Ek de miljeu-amtner sjocht oft oan regels foldien wurdt.

Lês mear oer Boer op in kearpunt: de greidboer

De Opbou 3: De begelieders

21 Maart 1991

Yn in trijelûk komt de yndustrialisaasje oan de oarder oan de hân fan Philips Drachten as foarbyld. Yn dit tredde diel komme de tsjinstanners en tsjinlûden fan de yndustrialisaasje oan de oarder. It sukses is sa grut dat sels yn Amearika reklame makke wurdt foar de Drachtster skearapparaten. Philips hat mear personiel nedich en besiket dy te winnen ûnder Friezen om utens. Troch de groei fan it fabryk en it grutte tal minsken dat dêryn wurket, feroaret de maatskippij ek. In animaasjefilmke moat de foaroardielen fan it wurk yn it fabryk weinimme.

Lês mear oer De Opbou 3: De begelieders

De Opbou 2: Famkes fan Philips

17 Maart 1991

Yn in trijelûk komt de yndustrialisaasje oan de oarder oan de hân fan Philips Drachten as foarbyld. Yn dit twadde diel giet it oer de famkes dy't by Philips kamen te wurkjen. In promoasjefilm lit sjen dat de jonge froulju net automatysk yn it boerebedriuw wurkje mar rûnom wei mei de bus nei Drachten geane. Dêr wurde se test en ynwurke oan de rinnende bân om skearapparaten yn elkoar te setten. Mei fjouwer wurknimmers fan doe sjogge we werom op har tiid doe en wat it wurk no ynhâldt. Philips fersoarge ek kursussen, lykas naaie en itensiede, foar de froulju.

Lês mear oer De Opbou 2: Famkes fan Philips

De Opbou 1: De oanrin

10 Maart 1991

Yn in trijelûk komt de yndustrialisaasje oan de oarder oan de hân fan Philips Drachten as foarbyld. Nei de oarloch moast derfoar wurkgelegenheid soarge wurde, it regear kaam mei in plan en wiisde gebieten oan foar ûntwikkeling. Dêr siet ek it eastlike part fan Fryslân by, de earme Wâlden. Minsken moasten fan de lânbou nei de yndustry lokke wurde, der wie sels spesiaal in Frysk Polygoonpromofilmke makke.Tal fan oaren emigrearren nei Kanada, mar oaren moasten hjir oan it wurk.

Lês mear oer De Opbou 1: De oanrin

Fryslân yn de lêste oarloch 4: Twangarbeid yn Dútslân

29 April 1990

Yn in rige fan fjouwer dielen sjogge we werom op de Twadde Wrâldoarloch. Yn it lêste diel folgje we Marten Winters fan It Hearrenfean wylst er troch Dútslân reizget. Yn 1942 kaam er yn Dútslân te wurkjen, hieltyd mear minsken moasten dêr oan it wurk, ek ûnder twang. De arbeidsburo's wurken dêroan mei en spegelen it moai foar mei kleurige affysjes. Winters hat op fiif plakken wurke, en sliepte yn barakken yn kampen. Minsken dy't wurk wegeren of flechten, moasten nei strafkampen. Johannes de Vries en Bertus Lubbering ha dat meimakke en helje oantinkens op.

Lês mear oer Fryslân yn de lêste oarloch 4: Twangarbeid yn Dútslân

Fryslân yn de lêste oarloch 3: De april/maaiestaking fan 1943

22 April 1990

Yn in rige fan fjouwer dielen sjogge we werom op de Twadde Wrâldoarloch. Yn diel trije stiet de staking fan 1943 sintraal. Fan de Dútsers moasten de mannen dy't ûnder de wapens west hienen, kriichsfinzen nommen wurde moatte. Dêr kaam in soad protest tsjin en tal fan minsken gienen yn staking. Boeren leveren gjin molke mear oan it fabryk. Boargemaster Johannes Brandsma fan Ljouwert fertelt oer dy tiid en dat docht ek de famylje De Jong dy't by Bartlehiem buorke en Wiebe Leenstra, direkteur fan it bûterfabryk. Ek hearre we fan de stakingen yn Aldegea (W.) dy't dêr wat letter op gong kamen.

Lês mear oer Fryslân yn de lêste oarloch 3: De april/maaiestaking fan 1943

50 jier Omrop Fryslân

Aaisykje

Lanlike telefyzje

De Dyk Ut

Sa seach ik Fryslân

Weromrop.frl - útstjoerings

Selskip Tetman de Vries: De tiid hâldt gjin skoft (diel 1)

Wâldrinner Jaap Louwes

Wyn op Woansdei: Saailân

Sykje