Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

Baas Boppe Baas 0304: Hurdriders & Deariders

01 Jannewaris 2003

Der is in hûntsje oanriden troch in auto en de dieder is trochriden. It hiele doarp hat it deroer. Beant tinkt dat hysels it miskien dien hat.

Lês mear oer Baas Boppe Baas 0304: Hurdriders & Deariders

Enerzjy yn wyn

28 Septimber 2003

Foar- en tsjinstanners fan wynmûnen komme oan it wurd. Tsjinstanners ha noed oer de oantaasting fan it lânskip en de oerlêst, foarstanners wolle skjinne enerzjy en it smyt wat op. Yn Sibrandahûs is mei sukses fûl protestearre tsjin ferskate plannen, mar de relaasje mei de buorlju waard net better. Yn Boazum hat in boer ien mûne pleatst, de buorlju goed 200 meter fierderop ha oerlêst. Ek in heechlearaar komt oan it wurd, krekt as de polityk en de projektûntwikkeler.

Lês mear oer Enerzjy yn wyn

Wyn op Woansdei: MCL Súd

07 Maaie 2003

Programmamakker Evert van den Berg sjocht by de nijbou fan it MCL, Ljouwerter sikehûs. Hy praat mei minsken fan de bou, rie fan bestjoer en wurknimmers. It grutste part fan it gebou stiet al, no moat de ôfwurking dien wurde. In tal wurknimmers krijt alfêst in rûnlieding, de boukoördinator leit út wêr't wat komt en we sjogge wat sjen komt by de tarieding fan de bou. Der wurkje 250 boufakkers oan.

Lês mear oer Wyn op Woansdei: MCL Súd

Portret Ira Judkovskaja

26 Oktober 2008

Portret fan artistyk lieder Ira Judkovskaja fan toanielselskip Tryater. De fan oarsprong Russyske kaam yn 1990 nei Nederlân en weaget har no oan it Frysk. Tryater komt mei har grutste teaterproduksje ea, de Alvestêdetocht, fanwege it 100-jierrich bestean fan de tocht.

Lês mear oer Portret Ira Judkovskaja

It Biltse Goud

19 Oktober 2008

De ierappel hat him sûnt de yntroduksje yn 'e 16e iuw yn Europa ûntwikkele ta it fjirde lânbougewaaks; nei weet, rys en mais. De ierappel waard rûn 1536 meinommen fan Súd-Amearika nei Spanje. De doku giet yn op de histoarje, de feredeling en de ekonomyske wearde fan de ierappel.

Lês mear oer It Biltse Goud

Griend; te gast by de fûgels

28 Septimber 2008

Griend is it lytste waadeilân fan Nederlân. It is in beskerme fûgelreservaat. Fan april oant en mei july wennet der in biologe-echtpear. Omrop Fryslân filme op it eilân om te sjen hoe't de minsken harren ferhâlde ta de fûgels.

Lês mear oer Griend; te gast by de fûgels

Fryslân Boppe: Slach by Warns en Frico Domo

25 Oktober 1992

Gryt van Duinen liedt twa diskusjes: Klaas Jansma en Durk van der Schaaf prate oer de betinking fan de Slach by Warns. De twadde diskusje giet oer de reorganisaasje by Frico Domo, mei boeren, wurknimmers en minsken fan it fakbûn.

Under de namme Fryslân Boppe stjoerde Omrop Fryslân tusken 1991 en 1994 op de sneinen in rige diskusjes oer maatskiplike ûnderwerpen út, fanút de Koperen Tuin yn Ljouwert of in oare bysûndere lokaasje.

Lês mear oer Fryslân Boppe: Slach by Warns en Frico Domo

It Petear: Riek Landman

07 Novimber 1995

Skriuwster Riek Landman praat oan tafel by Bouke Oldenhof oer har wurk, har ferline en har persoan. Yn 1995 wie se de bêst ferkeapjende auteur by de sutelaksje fan Fryske boeken, mar earder wie se aktrise by ferneamde toanielselskippen.