Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

LTV_RHY_DDA_TK

Uteinrock 1992: Achter de skermen

01 Novimber 1992

We sjogge achter de skermen en by de tariedingen fan it Frysk-Keltyske popfestival Uteinrock, dat hâlden wurdt yn it Bolwurk yn Snits. We folgje de jonge Welske band Beganifs ûnderweis nei Fryslân en sjogge optredens fan de Fryske bands Reboelje en Wiegels Wjukkelmasine, en de bands Ffa Coffi Pawb, Beganifs en Yr Anhrefn út Wales, The Collaborators út Skotlân en E.V. út Bretanje.
LTV_JAN_VAN_DER_KOOI_291202_WR

Grinzen ferlizze: portret fan Jan van der Kooi

29 Desimber 2002

Jan van der Kooi tekenet en skilderet, meast figuratyf wurk. We sjogge him bûten oan it tekenjen (lânskip) en ek oan it wurk yn syn atelier. Hy fertelt dat er al mar mear fierder sjen wol, syn grinzen ferlizze. Sa sjocht er nei Fryslân no ek yn it bûtenlân lykas Venetië. Yn museum De Buitenplaats yn Eelde binne tariedingen foar in tentoanstelling.
LTV_GLEZEN_DOARP_111098_WR.mxf

It glêzen doarp: glêstúnbou

11 Oktober 1998

Tusken Berltsum en Bitgum is in gebiet fan 100 bunder beskikber foar glêstúnbou. Túnkers út it westland moatte nei oare plakken sjen om't de romte dêr nedich is foar wenningen. By de Waadsee soe it klimaat ek geunstich wêze foar de tylt. De gemeente Menameradiel ûntfangt de tylders mei iepen earms en fersoarget in ekskurzje. We sjogge by in paprikakweker yn Easterbierrum en Hartman fan Seisbierrum makke jierren lyn al de oerstap fan de Rânestêd nei Fryslân. Wurkleazen wurde alfêst oplaat foar it wurk yn de kassen.