Weromrop.frl - útstjoerings

Klaas Jansma hat Aggie van der Meer fan Boalsert as gast. Neist har wurk as skriuwster is se aktyf yn de fredesbeweging en warber foar Leefbaar Fryslân.

Bouke Oldenhof yn petear mei âld-direkteur Roel Oostra fan teater De Lawei yn Drachten. Oostra fertelt oer syn stap fan banketbakker nei teaterdirekteur en de groei fan de skouboarch yn Drachten.

It ferhaal fan in groepke fan fjouwer jonge aventoeriers dy't yn 1979 mei harren selsboude flot, de Sterke Yerke, de oseaan oerstekke wolle nei Curaçao. Spitigernôch spat de dream nei 126 dagen op in klif foar Bonaire útinoar.

Hy kin sjoen wurde as ien fan de súksesfolste Fryske keunstners: Gerriet Postma fan Twizelerheide. Hy eksposearre yn München, Barcelona en New York. Omrop Fryslân wie begjin 2009 úteinsetten mei opnamen foar in portet fan de eigensinnige Fries, doe't er ein febrewaris dat jier ûnferwachts ferstoar yn syn wenplak Grins. Hy waard 76 jier. Oan de hân fan de lêste opnamen en argyfmateriaal is in byld makke fan it libben fan Gerriet Postma.

Twadde diel fan in rige fan 3 dokumintêres oer it Frysk Festival fan 2008. Dit diel giet oer de byldetentoanstelling yn it park Vijversburg by Tytsjerk, mei ûnder mear de 4 meter hege drol fan Wim T. Schippers. 14 keunstners út binnen- en bûtenlân eksposearen yn de Bosk fan Ypeij. It tema is de tiid.