Weromrop

Reportaazjes Oerol 1998

12 Juny 1998

Reportaazjes út de programma's Hjoed en Boppedat oer it festival Oerol 1998 op Skylge. 12/6: Lange wachttiden foar in plakje op de boat nei Skylge. 15/6: In ympresje fan de foarstellings 'Sevenup' fan Suver Nuver en Growing up in public, 'Onder delos' fan de Muzen en 'Zeeruis' fan theater Bleue. 17/6: In ympresje fan de minsken achter de skermen dy't foar de organisaasje fan Oerol soargje. 19/6: Oerol makket in grutte groei troch. De wachtrijen foar de kaartferkeap nimme ta. 22/6: Tûzenen taskôgers by it slotspektakel fan de Frânske fjoerwurkgroep Ephemere.

Lês mear oer Reportaazjes Oerol 1998

Kompilaasje Oerol 1997

26 Juny 1997

In gearfetting fan de foarstellings op Oerol 1997, yn in ko-produksje fan Omrop Fryslân, VPRO en Oerol.

Lês mear oer Kompilaasje Oerol 1997

Reportaazjes Oerol 1997

10 Juny 1997

'Wyn' wie it tema fan Oerol 1997. Omrop Fryslân telefyzje brocht op 10 juny in reportaazje oer de tariedings en op 16 juny in item oer de rekorddrokte fan it iepeningswykein. Ek is der noch in oersjoch fan it strjitteteater op Oerol, dat útstjoerd waard op 23 juny 1997.

Lês mear oer Reportaazjes Oerol 1997

Kompilaasje Oerol 1996

31 Oktober 1996

In kompilaasje fan de foarstellingen en nuveraardigheden op it fyftjinde Oerol-festival fan 1996.

Lês mear oer Kompilaasje Oerol 1996

Reportaazjes Oerol 1996

13 Juny 1996

It programma Boppedat fan 13 juny 1996 stie sawat hielendal yn it ramt fan it Oerol-festival. It tema wie yn 1996 'het magnetisme van de Noordpool'.

Lês mear oer Reportaazjes Oerol 1996

Reportaazjes Oerol 1995

09 Juny 1995

De fjirtjinde edysje fan Oerol yn 1995 begûn mei in spesjale trein út Amsterdam wei. Goed 20.000 minsken makken it earste wykein fan it festival mei. Twa reportaazjes út Hjoed fan 9 en 12 juny 1995, oer Oerol 1995 dat as tema 'Frankryk' hie.

Lês mear oer Reportaazjes Oerol 1995

All along the lighttower 1994

14 Juny 1994

Yn 1994 wie der gjin Oerol-festival, mar die Omrop Fryslân telefyzje wol ferslach fan it All along the lighttower-festival op Skylge, yn it ramt fan it 400-jierrich bestean fan de Brandaris. It festival, betocht troch Oerol-organisator Joop Mulder, luts 8000 besikers. Undernimmers op Skylge setten dêrnei in aksje op tou dêr't Oerol fiif jier lang fan organisearre wurde koe, mei Joop Mulder as artistyk lieder.

Lês mear oer All along the lighttower 1994

Mei tank oan...

28 Oktober 2001

We folgje trije minsken dy't net (goed) sjen kinne, mar mei help fan allerhanne middels wol meidogge oan it maatskiplike libben lykas wurk en skoalle. Leo Korsten is technysk tekener, Bram Schultinga docht eksamen en Karen Kamstra sit op skoalle. We folgje se yn har deistich libben en hobbys en we sjogge wat Visio dwaan kin om te helpen en te begelieden.

Lês mear oer Mei tank oan...

De wrâld fan Meindert Talma

14 Oktober 2001

Portret fan muzikant en skriuwer Meindert Talma (1968). Hy fertelt oer syn jeugd yn Surhústerfean, studintetiid yn Grins en syn muzyk en skriuwerij. We folgje syn band Meindert Talma and the Negroes op wei nei in optreden yn Paradiso, sjogge Meindert by studio-opnamen. Ek by syn wurk by it Kunstencentrum yn Grins, en mei syn maten fan de Hobbyrock by in toanielstik en film. Mei Nyk de Vries makket er it tydskrift De Blauwe Fedde, we sjogge se by ferskate ynterviews.

Lês mear oer De wrâld fan Meindert Talma

De dreamde werklikheid, Jan Mankes

30 Septimber 2001

Portret fan skilder Jan Mankes (1889-1920). Neffens galeryhâlder Thom Mercuur makke Mankes tiidleaze keunst. Yn 1909 kaam Mankes nei De Knipe. Syn omjouwing (syn neisten, de natuer en dieren) lei er fêst op tal fan skilderijen. Hy skildere 'de siel' fan dingen en minsken. In muoikesizzer fertelt oer syn libben en keunstkenners en skilder Pieter Pander fertelle oer syn wurk. Yn 1915 troude er mei Annie Zernike, de earste froulike dûmny yn Nederlân. Se krigen ien soan (Beint, 1918). Yn 1920 stoar Mankes oan tbc. Hy leit yn Eerbeek begroeven.

Lês mear oer De dreamde werklikheid, Jan Mankes

De Fryske Sokrates (diel 2)

22 Septimber 2001

Frans Hemsterhuis (1721-1790) fan Frjentsjer wie in filosoof. Kenners en ûndersikers fertelle oer syn libben, wurk en betsjutting. Hy hie kontakt mei Goethe en mei prinses Adelheid Amalia, Fürstin von Gallitzin.

Lês mear oer De Fryske Sokrates (diel 2)

De Fryske Sokrates (diel 1)

16 Septimber 2001

Frans Hemsterhuis (1721-1790) fan Frjentsjer wie in filosoof, en like grut as Erasmus en Spinoza. Kenners en ûndersikers fertelle oer syn libben, wurk en betsjutting. Syn heit wie heechlearaar Gryksk oan de Frjentsjerter universiteit.

Lês mear oer De Fryske Sokrates (diel 1)

It Petear

Oerol

Wâldrock

It Wetter Op

Fryslân yn de tritiger jierren

Weromrop.frl - útstjoerings

Nader tot Fryslân

Baas Boppe Baas 0408: Goede foarnimmens

Koos Dalstra yn Nice

Sykje