Weromrop.frl - útstjoerings

De Fryske Akademy bestie yn 2008 70 jier. Omrop Fryslân folge in pear ûndersikers: wurdboekman Piter Boersma, taalûndersiker Arjen Versloot en histoarikus Hans Mol. Ek direkteur Rein Salverda en rektor magnifikus Jacob Fokkema fan de TU Delft komme oan it wurd.

Yn it earste diel fan de rige oer it Frysk Festival fan 2008 giet it oer de gearwurking mei Flamingen, bygelyks yn de opera Platée en de teaterproduksje Twee Oude Vrouwtjes. Ek hearre we Francis van Broekhuizen sjongen yn de produksje fan Opera Spangea; Donna Giovanna.

Hoite en Sytze Pruiksma wurde folge by de tariedings fan har foarstellings. Yn 'Rite fan Wetter' kombinearre Hoite Pruiksma dûns, muzyk en wetter yn in teaterspektakel dat brocht waard midden op 'e Hofmar, by It Heidenskip. Sytze Pruiksma liet yn syn foarstelling 'Lân' it Fryske lânskip as in partituer sjen op grutte filmdoeken, midden yn it Hegewiersterfjild, in natuergebiet tusken Kimswert en Harns.

Twadde diel fan de dokumintêre oer Fryske fierljeppers dy't yn Súd-Korea meidogge oan de Olympyske Spelen foar net-olympyske sporten. De sporters meitsje ek in slach oer de merk yn de stêd Busan. De Súd-Koreanen hawwe grutte belangstelling foar de fierljepdemonstraasje. Organisator Christophe Mennier komt letter ek nei de fierljepskâns yn Drylts. Hy hat allegear ideeën om de sport noch oantrekliker te meitsjen foar it publyk.

In koart ferslach fan de yntocht fan Heakeninginne Miranda Greydanus mei har hofdames by de Boalserter Heamieldagen fan 1996.