Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

Spegels: Simmer 2005

Spegels: Simmer 2005

25 Augustus 2005

It lytste teater fan Nederlân wie yn 2005 dat fan poppespiler Haye Bijlstra yn de Vijzelstrjitte yn Ljouwert. Janko Krist makke in reportaazje. It programma begjint mei de Hongaarske sjongeres Veronika Juhasz. Se folget in foaroplieding oan it konservatorium yn Grins en wennet yn Hurdegaryp, by âld-omropmeiwurkster Aly van der Mark. It leafst sjongt Veronika op strjitte, Italiaanske aria's. Mar dy tiid is no foarby, der moat hurd wurke wurde oan in karriêre.

Geert! S02E4: Aldeberkeap

Geert! S02E4: Aldeberkeap

06 April 2004

Geert van Tuinen is yn Het Wapen van Ooststellingwerf yn Aldeberkeap en praat mei Jan van der Meer. Yn syn supermerk wurkje ferstanlik beheinden fan Talant. Ek praat er mei Gerrit Staal dy't bier brout, sjocht er by Klaas Menger op dy syn '1000' bisten buorkerij mei skiep, hamsters en in hynder. En Geert praat mei Gerrit Hof fan De Geitefok, de feriening dy't bekend is troch de âldjiersstunts. De live-muzyk komt fan de Koepelbos Blaosers.

LTV_FRYSKE_MUNEN_160397_WR

Libje fan de wyn: Fryske mûnen

16 Maart 1997

Ferskillende mûnders fertelle oer de mûne dêr't se wurkje, guon mealle moal, oaren seagje hout. Se ha in grutte passy foar de technyk en de natuer en it ambacht. We sjogge by De Zwaluw yn Burdaard, De Rat yn Drylts, De Hoop yn Stiens, Stienhústermole yn Stiens en Klavermole yn Boalsert.