Sykje

Yn de Earste Wrâldoarloch flechten tûzenen Belgen nei Nederlân. In hiel soad Belgen binne opfongen yn Gaasterlân, yn ferskate kampen, dat in ferdûbeling fan it ynwennertal krige dêrmei. Ynwenners fertelle oer dy tiid en helje oantinkens op. De flechtlingen waarden goed bewaakt, mar dienen ek mei oan it sosjale libben lykas keats- en fuotbalwedstriden.

Programma oer de (finansjele) misstannen fan de lêste 20 jier fan it politike bestjoer en it amtlik apparaat. It giet om in analyze nei in soad petearen, soms anonym. Amtners wienen te heech ynskaald, der wie in jierrenlange achterstân yn jierrekkens en der wienen miljoenen om te ferdielen. Ek waarden baltsjes nei elkoar ta skood, ûnder oare by de stedsûntwikkeling.

De AID (Algemene Inspectie Dienst) giet nei oft de regels yn de lânbou en fiskerij wol neilibbe wurde. We gean op paad mei de ynspekteurs en sjogge by beropsfiskers, fûken en netten, by boeren en op de feemerk oft se goed op it fee passe en ek wurdt mei in helikopter sjoen oft der plakken binne mei oalje- en dongfersmoarging.

It moanneblêd Frysk en Frij sit finansjeel yn swier waar. It eardere wykblêd en letter twawyklikse blêd krijt gjin provinsjale subsydzje mear, al binne der noch wol petearen. Meiwurkers fertelle oer de swierrichheden. De provinsje soe in ferburgen aginda hawwe om Frysk & Frij op te heffen. Oan it wurd komme ûnder oare Goasse Brouwer, Sjoerd van Aalsum en Geart-Hessel de Boer, mar ek deputearre Bertus Mulder en Ingrid Wagenaar fan de F-side. Dizze wyklikse Fryske side yn beide kranten wie bedoeld om nije Frysklêzers te winnen, dêr gie provinsjale stipe hinne.

Portret fan âld-skûtsjeskipper Lodewijk Meeter (80). Hy folget de wedstriden fan de SKS noch altyd op it wetter op de foet en praat nei ôfrin mei Eldert Meeter, syn soan en no skipper. Neist bylden fan de wedstriid en it folchskip, sit der ek in soad argyf yn dizze dokumintêre mei wedstriidbylden út 1957, 1989, 1985, 1944, 1965 en 1968. Ald-skippers Hattum Hoekstra en Albert van Akker sjogge werom.