Sykje

Dizze Sadwaande giet oer de brânwacht. We sjogge by it korps fan Wommels, Se assistearje by in fôle dat yn de sleat rekke wie en seagje in auto iepen by in ferkearsslachtoffer. Neist professionals wurkje ek tal fan frijwilligers by de brânwacht. En wat is it wurk fan in previntist? Hy kontrolearret op feilichheid en advisearret. En der wurkje ek froulju by de brânwacht. Prinses op learzens deadet de tiid yn de kazerne mei spultsjes.

Dizze Sadwaande giet oer hyders, it Fryske hynder om krekt te wêzen. We sjogge by hynsteman Hessel Bouma dy't Fryske hynders hat, alles oer de ferskate tugen wit en oer de skiednis fan it Fryske hynder. Hy hat ek in lykkoets en in tilbury. We hearre wat der feroare is oan it uterlik fan it hynder dat fan wurkhynder mear in sporthynder wurden is. We sjogge by in dressuer yn de maneezje en by it pronkriden yn Frysk kostúm yn Warkum. Prinses op learzens docht in cowgirl-act.

Dizze Sadwaande giet oer studinten yn Ljouwert, de stêd hat him de lêste tiid mear as studintestêd ûntwikkele. We sjogge hoe't Aafke Jongsma libbet as studint, se moat fral sunich libje want har âlden betelje neat foar har. We sjogge op de NHL en CHN en sjogge by de opliedingen ferpleechkunde en gasthearskip. Marga Waanders is adviseur kommunikaasje en fertelt oer Ljouwert as studintestêd. We sjogge ek by twa studinteferieningen yn Ljouwert, Io Vivat en Wolwêze. Prinses op learzens kin net mear pinne.

Dizze Sadwaande giet oer ballonfarren en oare saken yn de loft. We sjogge by de Friesche Aero Club yn Ljouwert dêr't sweeffleaners sitte. En we sjogge by minsken dy't foar har wurk heech yn de loft wurkje moatte lykas glêzewaskers. En we farre mei in ballon mei, en ek in kolonel giet foar it earst mei yn it bakje. En prinses op learzen kin fleane nei it drinken fan energydrink.

Dizze Sadwaande giet oer kleasters. We sjogge by de trije susters fan de Goddelijke Voorzienigheid dy't noch yn Heech wenje, mar se sille fuort. De susters Agnes, Gemma en Tonia fertelle oer har deistich libben. Preester Henk Nota fertelt oer de skiednis fan it katolisisme yn Fryslân, se ha tal fan ûnderwiisynstellingen en fersoargingstehuzen opset. Sa ek it Antonius sikehûs yn Snits dat mei in erfenis boud is. En we sjogge by broeder Aquino yn Wolvegea, hy makket glês-yn-lead ruten. Hy is lid fan de Onze Lieve Vrouwe van zeven smarten congregatie.