Weromrop.frl - útstjoerings

Dizze Sadwaande giet oer fuort fan hûs. We sjogge by trije minsken dy't foar har wurk in skoft fan hûs binne, op see. Josje Cuperus is de helte fan de tiid allinne om't har freon op de grutte feart sit, wat docht dat mei har relaasje? Hoe sit dat by marine-offisier Melvin van der Leij en syn partner? En we sjogge by de jonge Onne Steneker, dy't op de seefeartskoalle sit, is hy ek ûnwennich?

Dizze Sadwaande giet oer de euro. Yn 2002 wurdt de euro ynfierd en we sjogge no alfêst foarút mei Jan Kersbergen fan de Friesland Bank. We leare oer de skiednis fan de gûne en de foarrinners dêrfan yn it Fries Museum en sjogge op skoalle en yn de supermerk. Hoe geane dy mei de nije munt om? En hoe moatte we omrekkenje? Floris rout om it ôfskied fan de gûne.

Dizze Sadwaande giet oer it Stellingwerfsk. We sjogge by de Stellingwarver Schrieversronte, dêr't it wurdboek makke wurdt en binne op in basisskoalle dêr't bern leskrije yn de eigen streektaal. En we sjogge by in koar dat ek yn it Stellingwerfsk sjongt. En Floris praat ek Stellingwerfsk.

Dizze Sadwaande giet oer frijwilligerswurk. We sjogge by ferskate soarten fan frijwilligerswurk. Je kinne dat dwaan út idealisme wei, byg. taalles jaan op it asylsikerssintrum, of omdat it leuk is. We sjogge yn Ljouwert by it sintrum wolwêzen foar âlderein. Op de CHN moatte studinten ferplicht frijwilligerswurk dogge foar de oplieding SPH. It frijwilligersstipepunt bemiddelet by it wurk. Floris docht ek allerhanne frijwilligerswurk.

Dizze Sadwaande giet oer gers. Der binne wol fyftich soarten gers yn Fryslân. We sjogge mei ekolooch Eddy Wymenga by de soarten yn it lânskip, by in feehâlder yn Aldeberkeap hoe't er soarten gers groeie lit dat goed foar de kij is. Ek sjogge we by in gersdrûgerij yn Loaiïngea. Floris hat in kwis mei siswizen.