Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

LTV_IT_LAN_SAKKET_050300_WR

It lân sakket; oer de gefolgen fan de boaiemdelgong

05 Maart 2000

Programma oer boaiemdelgong; we sjogge by minsken yn Grou, Boazum en Pitersbierrum dy't skea hawwe oan har huzen, der binne skuorren en fersakkingen. Tal fan saakkundigen komme oan it wurd: wurdt de delgong feroarsake troch gas- en sâltwinning of net? De bedriuwen (Elf Petroland, NAM en Frima) sizze dat de skea troch oare oarsaken ûntstean kin, oaren betwivelje dat. Ek de polityk komt oan it wurd.
180717_SADWAANDE_OER_STUDINTEN_YN_LJOUWERT_04_10_2000.mp4

Sadwaande: Studinten

04 Oktober 2000

Dizze Sadwaande giet oer studinten yn Ljouwert, de stêd hat him de lêste tiid mear as studintestêd ûntwikkele. We sjogge hoe't Aafke Jongsma libbet as studint, se moat fral sunich libje want har âlden betelje neat foar har. We sjogge op de NHL en CHN en sjogge by de opliedingen ferpleechkunde en gasthearskip. Marga Waanders is adviseur kommunikaasje en fertelt oer Ljouwert as studintestêd. We sjogge ek by twa studinteferieningen yn Ljouwert, Io Vivat en Wolwêze. Prinses op learzens kin net mear pinne.
LTV_BRADA_141203_WR

De ûndergong fan Brada

14 Desimber 2003

De grutte slachterij Brada yn Ljouwert wie in begryp: kij gienen net nei de slachter, nee kij gienen nei Brada. Oait begûn yn de Lytse Tsjerkestjitte ferhuze it famyljebedriuw yn de jierren tritich nei de Snekertrekweg. Dêr fertelt Benno Brada, sechsde generaasje, oer de skiednis fan it bedriuw en de úteinlike ferkeap oan slachter Aaldert Wildeboer út Hollandscheveld. Skulden en de tongblierkrisis makken in ein oan Brada. Ald-wurknimmers komme oan it wurd en we sjogge op it bedriuw, noch yn aksje en no't it leech is. Ek feehanneler Bonne Speerstra komt oan it wurd.