Sykje

It wurd is klank, Hoite Pruiksma

19 Oktober 1997

Portret fan musikus en koardirigint Hoite Pruiksma fan Warns. We sjogge by him thús, by koarrepetysjes, by syn âlden dy't beide ek hiel muzikaal binne, by syn boat dy't er oan it restaurearjen is, by de slachter út syn jeugd en achter it oargel yn tsjerke.

Lês mear oer It wurd is klank, Hoite Pruiksma

De merk fan soarch en help

05 Oktober 1997

We sjogge by it wurk fan de thússoarch, dat hieltyd mear ûnder druk komt te stean. Alderen wenje langer thús, der binne mear groanysk siken en de opname yn sikehûzen is hieltyd koarter. Troch de komst fan partikuliere oanbieders is der konkurrinsje ûntstien. We sjogge by de help dy't Sebastian Zeinstra krijt, hy hat in spiersykte, by de famylje Van der Veer dy't húshâldlike help krijt en by de help dy't Eric Schoondorp krijt nei syn sikehûsopname. En we sjogge yn fersoargingshûs Berchhiem. De thússoarch hat ek tal fan helpmiddels dy't se útliene.

Lês mear oer De merk fan soarch en help

It mes fan de minister: bargeboeren

21 Septimber 1997

Bargeboeren moatte in fjirde part fan har bedriuw ynleverje, dat wol de minister. Bargehâlders binne it dêr net mei iens. We sjogge by boer en topfokker Harm Kloosterman en bioboer Jan Peenstra en we folgje Arie Geijsel, boer en foarsitter fan FLTO by it oerlis mei de belanghawwenden yn de sektor.

Lês mear oer It mes fan de minister: bargeboeren

Fiskje

14 Septimber 1997

We sjogge by ferskate foarmen fan fiskjen: binnenfiskers op iel mei fûken, lykas Halbe Elsinga op de Alde Feanen of stroom, lykas Klaas Poelman en Leo Kloosterman by Snits. We sjogge by twa ielkwekerijen, ien op IPC Dier yn Oentsjerk en in profesjonele yn Tsjom en by de mokselfiskers op de Waadsee dy't allegear har eigen gebiet hawwe.

Lês mear oer Fiskje

Anno 1997: Nije bestimming foar pleatsen

07 Septimber 1997

Pleatsen wienen jierrenlang byldbepalend yn it Fryske lânskip, funksjonele gebouwen mei romte foar fee en opslach. Lege pleatsen krije oare funksjes. By trije famyljes sjogge we dat it ek oars kin. Yn Harich wurdt in nije stâl boud, nei ûntwerp fan arsjitekt Jelle de Jong, fundearre op de filosofy fan de oarspronklike pleats. Yn Mantgum is de pleats restaurearre mei in sintraal plak foar hynders. Yn Lytse Geast hat arsjitekt Gunnar Daan in nij stik oan in wâldpleatske betocht.

Lês mear oer Anno 1997: Nije bestimming foar pleatsen

De striid om it minimum: portret fan in wao'er

23 Maart 1997

De Wâlden is fan âlds in streek mei in soad earmoede en in hege wurkleazens. Noch altyd ha minsken yn de gemeente Achtkarspelen gemiddeld minder te besteegjen as op oare plakken. Boadzer en Tjits Bruining fertelle har ferhaal, se ha it net breed. Boadzer wie earder strjitmakker, krige letter wurk as konsjerzje op in skoalle mar ferlear syn baan troch besunigings. Hy is foar in part arbeidsûngeskikt ferklearre en no driget wer in koarting. In beswier is oantekene. Ek minsken fan ynstânsjes en de wethâlder komme oan bod.

Lês mear oer De striid om it minimum: portret fan in wao'er

Libje fan de wyn: Fryske mûnen

16 Maart 1997

Ferskillende mûnders fertelle oer de mûne dêr't se wurkje, guon mealle moal, oaren seagje hout. Se ha in grutte passy foar de technyk en de natuer en it ambacht. We sjogge by De Zwaluw yn Burdaard, De Rat yn Drylts, De Hoop yn Stiens, Stienhústermole yn Stiens en Klavermole yn Boalsert.

Lês mear oer Libje fan de wyn: Fryske mûnen

Aaisykje en neisoarch

13 April 1997

We sjogge by ferskate minsken dy't har dwaande hâlde mei de tradysje fan it aaisykjen en de neisoarch, it beskermjen fan de nêsten fan de greidefûgels. Leden fan de aaisikersklup d'âld Hij út Dearsum gean op 'en paad, mei pols en pet. We sjogge wat in boer en natuerleafhawwer op Skiermûntseach docht oan neisoarch en we hearre by de universiteit yn Grins nei ûndersyk op it mêd fan greidefûgelbeskerming.

Lês mear oer Aaisykje en neisoarch

Spannenburgh, plak op ierde (4)

23 Febrewaris 1997

Fjouwerdielich dokudrama, ij dramatisearre dokumintêre, fan filmmakker Ernie Damen mei doarpsminsken yn de haadrol. Geane je fuort of bliuwe je yn it doarp, dat is de fraach. De kommunikaasjetoer fan Spannenburch spilet in belangrike rol.

Lês mear oer Spannenburgh, plak op ierde (4)

Spannenburgh, plak op ierde (3)

16 Febrewaris 1997

Fjouwerdielich dokudrama, in dramatisearre dokumintêre, fan filmmakker Ernie Damen mei doarpsminsken yn de haadrol. Geane je fuort of bliuwe je yn it doarp, dat is de fraach. De kommunikaasjetoer fan Spannenburch spilet in belangrike rol.