Sykje

Dizze Sadwaande giet oer Fryske adel. We sjogge thús by Tjalling van Eysinga en syn frou Antoinette van Eysinga-van Nievelt yn Sint-Nyk. Ek al binne se fan adel, se binne hiel gewoan. We sjogge ek by it lân, der binne rekreaasjewenten en in golfbaan en by Boschoord. Histoarikus Yme Kuiper fertelt oer De Klinze, en de eardere bewenner Hobbe Baerdt van Sminia. En we sjogge by Schatzenburg yn Dronryp, dêr fertelt jonker W.F.G.L. van Beyma ûnder oare oer de restauraasje. Ta beslút wurdt útlein wat der te sjen is op famyljewapens. En prinses op learzens wol ek blau bloed.

Dizze Sadwaande giet oer sunigens. We prate mei minsken op strjitte dy't krekt har boadskippen dien ha by de Aldi, lekker goedkeap. En we prate mei minsken dy't sunich libje, de ien om't se nei de skieding minder jild hat, de oare om't it in gewoante is. Se besparje op wetter en enerzjy. Ek prate we mei minsken op de bank, hoe sit it mei sparjen? Prinses op learzens besparret troch te dûsen yn de waskstrjitte.

Dizze Sadwaande giet oer de mobile telefoan, de GSM makket in flinke opmars. Net oeral wurdt it wurdearre dat je belje, bygelyks yn de bus, yn de les of ûnder in gearkomste. We sjogge by ferskate telefoanwinkels en it ynbouwen fan in carkit yn de auto. En kin de strieling fan hege mêsten kwea foar de minske?

Dizze Sadwaande giet oer ynternet. Hieltyd mear minsken ha ynternet, mar hoe kinst al dy ynformaasje it bêste brûke? We prate deroer mei kommunikaasje-saakkundigen en sjogge by kompjûterles op skoalle. En in skipsbouwer brûkt it ynternet ek om syn Amerikaanske opdrachtjouwer op de hichte fan de bou te hâlden.

Dizze Sadwaande giet oer rûke en geuren. Wêrom rûkt wat lekker en stjonkt wat oars. In KNO-dokter leit de wurking fan de noas en it rûken út. We sjogge yn de praktyk fan in aromaterapeute en op it Van Hall Instituut is geur belangryk by de oplieding Voedingsmiddelentechnology. Prinses op learzens wol de stjonkende ôffalbulte te liif gean mei spuitbussen.