It Petear: Tiny Mulder

Under de reek fan de heechste toer fan Fryslân binne de meiwurkers fan wettertechnologysk ynstitút Wetsus dei yn, dei út, dwaande mei ûndersyk nei wetterproblemen. Enerzjy, fersmoarging en suvering binne de sintrale begrippen. Programmamakker Evert van den Berg folge in tal projekten lykas it winnen fan enerzjy út it mingen fan swiet en sâlt wetter, en it ferwurkjen fan ôffalwetter yn in wenwyk fan Snits.

Hy krige de Musical Award foar de muzyk fan Turks Fruit, skreau hits foar Marco Borsato, wie sjonger fan popgroep De Kast, makke trije solo-albums en wie ôfrûne simmer sa drok mei fan alles en noch wat, dat hy amper tiid hie foar syn grutte passy: it silen. Jan Tekstra akteart, skriuwt, sjongt en jout les oan sawol de Popakademy as oan de jonge silerkes fan Heech.

Nei in tal ynsidinten yn de Súdwesthoeke dy't te krijen hiene mei alkohol en rasisme organisearre jongereinwurker Sandra Ordelman yn 2008 in útwikselingsprojekt tusken in groep jongeren út Aldegea (W.) en Marokkaanse jongeren út Utrecht. Omrop Fryslân wie by dy bysûndere moeting.

Portret fan sjonger Syb van der Ploeg, dy't yn de jierren '90 bekend waard as frontman fan de populêre Fryske band De Kast. Anno 2008 is Syb wer hielendal werom. Omrop Fryslân folge him by it ta stân kommen fan syn nije album.

Portret fan Marleen Felius dy't kleurrike skilderijen fan kij makket. As bern wie se al gek fan kij en geregeld rydt se nei Fryslân om spesjale soarten en âlde rassen te besjen. We sjogge yn har atelier dêr't se fertelt oer har passy en se giet by ferskate boeren del om de kij te besjen, yn de stâl en it lân.