Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

SADWAANDE_060601_FERTUTEARZJE

Sadwaande: Fertutearzje

06 Juny 2001

Dizze Sadwaande giet oer fertutearzje: rommel op strjitte, yn it wetter, hûnestront, kaugom op de dyk en graffity. We sjogge op it stasjon yn Ljouwert dêr't it ôffal faak net yn jiskebakken ferdwynt, net yn de treinen, net op de perrons en net by it busstasjon. We prate mei tal fan skjinmakkers en sjogge by it wykteam dat de Schepenbuurt kreas hâlde moat. En we hearre wat it Halt-buro docht mei jongeren dy't strafbere feiten plege. Prinses op learzens komt as famylje Flodder yn in kreaze wyk.
LTV_Drents-Friese-Wold_doku_WR

It bosk is fan ús allegear - oer it Drents Friese Wold

18 Septimber 2005

Yn Nasjonaal Park Drents Friese Wold wurde tal fan beammen kapt om sa mear fariaasje te krijen. It gebiet bestiet út 4.000 bunder bosk, der is heide en it woestyngebiet Keale Dunen. It kappen troch Steatsboskbehear ropt heftige reaksjes op. Der wurde ynformaasjejûnen belein foar omwenners en der wurdt in aksjegroep oprjochte dy't yn de supermerk mei ynformaasje stiet. Earder is de wetterhúshâlding yn it gebiet mei it Beekdal al opknapt. It Nasjonale Park smyt mear bekendheid op wat goed foar de rekreaasjesektor, lykas de camping, is.
180702_SADWAANDE_03_06_1998.mp4

Sadwaande: podoterapeut, berne-opfang, rjochtbank (diel 2) en wurk (diel 7)

03 Juny 1998

Sadwaande is in programma dat him rjochtet op de ekonomy en bedriuwen. De kwestje en de oplieding foar wurk, in hiel soad ûnderwerpen komme foarby yn dit programma. Dizze kear yn de rige oer de rjochtbank fertelt Oebele Brouwer oer syn wurk as offisier fan justysje. Yn de searje oer wurk krije we tips foar it sollisitaasjepetear. We sjogge wat it wurk fan in podoterapeut ynhâldt en der is in reportaazje en petear oer de berne-opfang.